O‘zbekiston importi va eksportida eng yuqori ulushga ega 10 ta davlat ma’lum qilindi

Davlat statistika qo‘mitasi ma’lumotlariga ko‘ra, 2022 yilning yanvar-fevral oylarida O‘zbekiston importida yuqori ulushga ega bo‘lgan davlatlar orasida Xitoy va Rossiya yetakchilik qilmoqda. Xitoydan 1 mlrd dollarlik, Rossiyadan esa 905,2 mln dollarlik mahsulotlar import qilingan.

Shuningdek, importda yuqori ulushga ega bo‘lgan qolgan davlatlar quyidagicha:

Qozog‘iston – 478,5 mln;
Koreya – 395,7 mln;
Turkiya – 282,8 mln;
Germaniya – 162,3 mln;
Hindiston – 92,4 mln;
Turkmaniston – 90 mln;
Ukraina – 77,9 mln;
Braziliya – 65,2 mln AQSH dollari.

O‘zbekiston eksportidagi top-10 davlat ham ma’lum qilindi. Statistika qo‘mitasiga ko‘ra, yanvar-fevral oylarida O‘zbekiston eksportida yuqori ulushga ega bo‘lgan hamkor davlatlar:

Rossiya – 346,8 mln;
Xitoy – 310,5 mln;
Turkiya – 238,4 mln;
Qozog‘iston – 141,7 mln;
Qirg‘iziston – 115 mln;
Afg‘oniston – 94,6 mln;
Tojikiston – 65,3 mln;
Ukraina – 36,1 mln;
Eron – 23,7 mln;
Turkmaniston – 18,8 mln AQSH dollari.

O‘zbekistonning tashqi savdo aylanmasi 8,7 mlrd AQSH dollariga teng bo‘ldi.

Yangiliklar