Xotira – muqaddas, inson qadri – aziz

Inson xotira bilan tirik, qadr bilan ulug‘. O‘tganlarni, ularning xayrli ishlarini, jasoratini yodga olmoq, e’zozlamoq xalqimizga xos ezgu fazilatlardandir.

Majburiy ijro byurosi Izboskan tuman bo‘limi xodimlari ham 9 may “Xotira va qadrlash kuni” munosabati bilan afg‘on urushi qatnashchisi Abdulxamid Jo‘rayev holidan xabar oldilar. Xodimlar Abdulxamid Jo‘rayevni bayram bilan tabriklab, esdalik sovg‘alari taqdim etishdi.

Shuningdek, xizmat vazifasini o‘tash chog‘ida mardonavor halok bo‘lgan Abrorbek Tovuldiyevning xonadoniga borilib, uning xotirasi yod etildi.
Vatan tinchligi uchun jonini fido qilgan askarning oila a’zolariga ehtirom ko‘rsatildi. “Zamin”ni Telegramʻda oʻqing!