Namanganda 10 kun avval o‘g‘irlab ketilgan Qur’oni Karim qo‘lyozmasi yana o‘z joyiga qaytarildi

^{Foto: Namangan miloyat IIB matbuot xizmati}
Namanganda 10 kun avval noma’lum shaxslar tomonidan o‘g‘irlab ketilgan va ichki ishlar xodimlari sa’y-harakati bilan topilgan Qur’oni Karim qo‘lyozmasi yana o‘z joyiga qaytarildi. Bu haqda «Daryo» muxbiri Azizbek Abduvaliyev xabar bermoqda.

Viloyat hokimi Shavkat Abdurazzaqov va huquq-tartibot idoralari rahbarlari ishtirokida qo‘lyozma Sulton Uvays Qaroniy ziyoratgohidagi o‘z o‘rniga joylashtirildi. Shu yerga jam bo‘lgan nuroniylar bunday ko‘ngilsiz holatlar aslo takrorlanmasligini tilab, duo qilishdi.

^{Foto: Namangan miloyat IIB matbuot xizmati}
Shavkat Abdurazzaqov huquq-tartibot idoralari mutasaddilariga ushbu muqaddas kitobni topishdagi jonbozliklari uchun minnatdorlik bildirdi hamda bir guruh ichki ishlar xodimlarini bu borada ko‘rsatgan xizmatlari uchun taqdirladi.

^{Foto: Namangan miloyat IIB matbuot xizmati}
Viloyat IIB matbuot xizmatining ma’lum qilishicha, O‘zbekistonda hajmi jihatdan Qur’oni Usmoniydan keyin ikkinchi o‘rinda turadigan Mus'haf endi muntazam qo‘riqlanadi, biroq ziyoratchilarning noyob qo‘lyozmani ko‘rish imkoniyati cheklanmaydi. “Zamin” yangiliklarini “Twitter”da kuzatib boring