Poytaxtga kelayotgan «Malibu»da salkam 3 kg og‘u borligi aniqlandi

^{Foto: Toshkent viloyati IIBB axborot xizmati}
Toshkent viloyati IIBB JQB hamda DXX Toshkent viloyati boshqarmasi hamkorligida Zangiota tumanida o‘tkazilgan tezkor tadbirda poytaxtga olib o‘tilayotgan og‘u fosh etildi.

Tezkor-qidiruv tadbiri natijasida, 1991 y.t. fuqaro A.B. (Toshkent shahrida yashovchi) o‘ziga tegishli bo‘lgan «Malibu» avtomashinasida 2 kg 933 gr «gashish» giyohvandlik vositasini Termizdan Toshkent shahriga olib kelayotgan vaqtida ushlandi.

Holat yuzasidan B.R. ga nisbatan Zangiota tumani IIB Tergov bo‘limi tomonidan O‘zbekiston Respublikasi Jinoyat Kodeksining 273-moddasi 5-qismi bilan jinoyat ishi qo‘zg‘atilgan. “Zamin” yangiliklarini “Telegram”da kuzatib boring