Unutuvchanlik siz uchun zararga ishlaydi. Hech bo‘lmaganda avtomobilingizga zarar yetkazishi mumkin, ayniqsa, yozning jaziramasida. Quyidagi buyumlarning hech biri mashinangizga bor-yo‘qligini tekshiring.
Suv idishi
Favqulodda vaziyatlar vazirligi ogohlantiradi: plastik suv idishi avtomobilda yong‘in chiqishiga sabab bo‘lishi mumkin. Obyektiv kabi harakat qilib, suv quyosh nurlarini toraytiradi va ularni bir nuqtaga jamlaydi. Uning markazidagi harorat 120 darajaga yetishi mumkin — bu avtomobil o‘rindiq qoplamasi va plastmassa eriy boshlashi uchun yetarli.
Bundan tashqari, havo haroratining ko‘tarilganda (quyoshli kunlarda avtomobil ichida 48 darajagacha ko‘tarilishi mumkin), plastmassa suvga BPA (bisfenol A) ni chiqaradi, bu kimyoviy moddalarning ko‘p miqdori organizmda bir qator salbiy o‘zgarishlarga olib keladi (rivojlanishning kechikishi, onkologik kasalliklar, shu jumladan, prostata va tuxumdon saratoni).
Mashina oynasiga yopishtiriladigan so‘rg‘ich
Shaffof so‘rg‘ichlar avtomobil uchun ayrim buyumlarni old oynaga mahkamlash uchun ishlatiladi. Aksessuarni o‘z vaqtida olib tashlamasangiz va uni quyosh ostida qolsangiz, u xuddi idishdagi suv kabi nurlarni sindirib, mashinada yong‘in chiqishiga olib kelishi mumkin.
Optika
Buni tushunib olish ancha aniqroq. Tibbiy ko‘zoynaklar, qobiq sumkasi bo‘lmasa, mashinada qisqa vaqtga ham qoldirilmasligi kerak. Amaliy tajribalar shuni ko‘rsatadiki, obyektiv orqali o‘tadigan quyosh nuri ostida avtomobilning ichki qoplamasi bir necha daqiqadan so‘ng yona boshlaydi.
Yogurt
...va boshqa sut mahsulotlari. Yuqori harorat ta’sirida nordon sut faol ravishda “pufakchalar” chiqara boshlaydi. Idishdagi gazlarning to‘planishi portlashga olib kelishi mumkin. Bu xavf tug‘dirmaydi, lekin siz uzoq vaqt davomida ichki qismni obdon tozalashingiz kerak bo‘ladi. Professional tozalashsiz umuman “xushbo‘y” hidlardan xalos bo‘la olmaysiz.
Konfetlar
30 darajadan yuqori havo haroratida rang-barang konfetlar tezda eriy boshlaydi. Mashinada shirinliklarning paketini ochiq holda qoldirgan bo‘lsangiz, avtomobilning ichki qismini bezash uchun rang-barang dog‘larga tayyor turing. Ularni ketkazish qiyin. Bu holatni boshdan kechirganlarning so‘zlariga ko‘ra, shirinliklarga qo‘shilgan bo‘yoq izlari, hatto, maxsus tozalash vaqtida ham ketmaydi.
Kosmetika
Avtomobilda kosmetika mahsulotlarini saqlamang — toki ular bilan xayrlashishni rejalashtirmagan bo‘lsangiz. U issiqqa do‘stona munosabatda emas. Quyosh ta’sirida lab bo‘yog‘i, haylayter va tushlar erib, naychadan oqib chiqadi, qoplamada qattiq izlar qoldiradi, ten va upalar esa o‘z tuzilishini o‘zgartirib, yaroqsiz holga keladi.
Tibbiy preparatlar
Dori ishlab chiqaruvchilari dori-darmonlarni saqlashning maksimal haroratini ko‘rsatishlari ajablanarli emas va u kamdan-kam hollarda 25 ° C dan oshadi. Issiqlik sharoitida dori-darmonlar hech bo‘lmaganda foydali xususiyatlarini yo‘qotadi va maksimal darajada ulardan foydalanish xavfli bo‘lishi mumkin. Mashinangizda saqlanadigan shoshilinch dori-darmonlarga “har qanday holatda” ishonmang. Katta ehtimol bilan ular endi ishlamaydi.
Gadjetlar
Lityum-ion batareyasi bilan ishlaydigan gadjetlar (masalan, kameralarning ba’zi modellari) soatli bombadir. U yuqori haroratga yaxshi toqat qilmaydi va portlash ehtimoldan holi emas. Qaysi nuqtada bu sodir bo‘lishi noma’lum, shuning uchun uni xavf ostiga qo‘ymaslik yaxshiroqdir. Barcha avtomobil gadjetlarini o‘zingiz bilan olib yuring.
Aerozollar
Mutaxassislar orasida bu narsa munozarali, ammo ularning ba’zilariga ko‘ra, siqilgan havo idishi mashinadagi harorat 48 darajaga yetganda portlash xavfi bor. Ba’zi hududlarda, deylik, bizning mamlakatimizda yoz qanday o‘tishini hisobga olsak, bu mumkin.
Bank kartasi
To‘g‘ridan-to‘g‘ri quyosh nurida qoldirilgan yupqa plastmassadan tayyorlangan bank kartasi eriy boshlaydi. Erimagan taqdirda ham, yuqori issiqlik sharoitida u deyarli 100 foiz kafolat bilan magnitsizlanadi, shuning uchun mutlaqo yaroqsiz buyumga aylanadi.
“Zamin” yangiliklarini “Telegram”da kuzatib boring
