125
“Surxon” qo‘riqxonasidan Buxoro tog‘ qo‘yining bolasini olib ketgan brakonerlar ushlandi
Foto: Tabiat resurslari vazirligi
“Surxon” davlat qo‘riqxonasidan Buxoro tog‘ qo‘yining bolasini noqonuniy olib ketishga uringan ikki erkak qo‘lga olindi. Bu haqda Tabiat resurslari vazirligi ma’lum qildi.
Qo‘lga olingan shaxslar Qashqadaryo viloyatining Dehqonobod tumani “Xo‘jamahmud” mahallasida istiqomat qiluvchi A.J. va “Chuchuqquduq” mahallasida yashovchi fuqaro G‘.J. ekani ma’lum bo‘lgan. Buxoro tog‘ qo‘yi O‘zbekiston “Qizil kitobi”ga kiritilgan.
Mazkur holat yuzasidan tegishli hujjatlar rasmiylashtirilib, bir bosh Buxoro tog‘ qo‘yi bolasi huquqbuzarlardan olib qo‘yilgan. Huquqbuzarlarga nisbatan Ma’muriy javobgarlik to‘g‘risidagi kodeksning 82-moddasi (muhofaza etiladigan tabiiy hududlarning rejimini buzish) 1-qismiga asosan ma’muriy bayonnoma rasmiylashtirilgan.
Foto: Tabiat resurslari vazirligi
“Qonuniy to‘xtamga kelgunga qadar Buxoro tog‘ qo‘yining bolasi veterinariya nazoratida qo‘riqxonada saqlanmoqda”, — deyiladi xabarda.
Aniqlangan holat yuzasidan birlamchi hujjatlar rasmiylashtirilib, huquqni muhofaza qilish organlariga taqdim etish uchun tayyorlanmoqda.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Prezident Mirziyoyev Moskva paradidagi ishtirokidan so‘ng Toshkentga qaytdi
Zelenskiy G‘arbga murojaat qildi
Tuxel "Real"ga qarshi o‘yin haqida: "Hamma narsa bo‘lishi mumkin. Bu "Bavariya" uchun oxirgi imkoniyat"
Peterburgda avtobusning daryoga qulashi oqibatida 7 kishi halok bo‘ldi
Shavkat Mirziyoyev Moskvaga yetib bordi
Chempionlar ligasi o‘z to‘purarlaridan ayrildi
Trampning maxfiy hujjatlar bo‘yicha sud jarayoni keyinga qoldirildi
