O‘zbekistonga qarindoshlarini yo‘qlash uchun eng ko‘p Tojikiston fuqarolari kelgan

Mamlakatga yetti oyda qarindoshlarni yo‘qlash maqsadida qancha chet ellik kelgani ma’lum qilindi.

2023 yilning yanvar-iyul oylarida jami 3,1 mln nafar chet el fuqarolari qarindoshlarni yo‘qlash maqsadida O‘zbekistonga tashrif buyurgan.

Statistika agentligining dastlabki ma’lumotlariga ko‘ra, O‘zbekistonga 7 oyda qarindoshlarni yo‘qlash maqsadida tashrif buyurgan davlatlar fuqarolari soni bo‘yicha Tojikiston birinchi o‘rinni egallab turibdi – 1 mln kishi.

Ushbu ko‘rsatkich qolgan davlatlar kesimida quyidagicha ko‘rinish oldi:

• Qirg‘iziston – 886 ming nafar;
• Qozog‘iston – 831,6 ming nafar;
• Rossiya – 269,6 ming nafar;
• Turkiya – 28,3 ming nafar;
• Janubiy Koreya – 4,5 ming nafar;
• Ukraina – 3,8 ming nafar;
• Belarus – 3,6 ming nafar;
• Turkmaniston – 3,5 ming nafar;
• Germaniya – 2,6 ming nafar.

Shuhrat Razzakov

«ZAMIN.UZ» muharriri