Farg‘ona viloyatida noqonuniy mayning fermasi davlatga 12 mlrd so‘m zarar yetkazgani aniqlandi

^{Foto: O‘zenergoinspeksiya}

Farg‘ona viloyatida davlat manfaatlariga 12 mlrd so‘mdan ziyod zarar keltirgan noqonuniy mayning fermasi faoliyati to‘xtatildi. Bu haqda «O‘zenergoinspeksiya» xabar berdi.

Qayd qilinishicha, Qo‘qon shahrida joylashgan, hozirgi kunda faoliyatini to‘xtatgan parrandachilik korxonasi binosida 31 ta mayning qurilma elektr hisoblagichsiz tarmoqqa ulangani aniqlangan.

Dastlabki hisob-kitoblarga ko‘ra, davlat manfaatlariga 12 mlrd so‘mdan ortiq (2 mln 794 ming kVt⋅soat) zarar yetkazilgani aytilmoqda.

Holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.

Шухрат Раззаков

«ZAMIN.UZ» muharriri