00:23 / 31.12.2023

Yangi yildan skuterlar avtoraqam taqadi va haydovchilik guvohnomasi bilan haydaladi

Yangi talab jamoatchilik muhokamasiga qo‘yilgan, so‘ngra imzolangan O‘zbekiston Respublikasi Vazirlar Mahkamasining «Yo‘l harakati qoidalariga o‘zgartirish va qo‘shimchalar kiritish haqida»ga qaroriga muvofiq amalga oshiriladi.

Ichki ishlar vazirligi tomonidan tayyorlagan qarorga ko‘ra, shuningdek, 2024 yil 1 yanvardan boshlab DYHXX organlarida dvigateli 25 va undan ortiq sm kub ish hajmiga ega bo‘lgan yoki konstruksiyaviy tezligi soatiga 25 va undan ortiq kilometr bo‘lgan avtomototransport vositalari, elektrodvigatelining quvvati 0,25 KW va undan ortiq yoki soatiga 25 kilometr va undan yuqori tezlikka ega bo‘lgan elektromobillar (elektromototsikllar, elektroskuterlar va boshqalar), shuningdek, tirkama va yarim tirkamalar davlat ro‘yxatidan o‘tkaziladi.

Davlat ro‘yxatidan o‘tkaziladigan transport vositalarini boshqarish faqat tegishli toifadagi haydovchilik guvohnomasiga ega bo‘lgan shaxslarga ruxsat beriladi.

Qarorda samokat va elektrosamokat va sh.k. individual harakatlanish vositalarini boshqaradigan shaxslarga ham ma’lum talablar qo‘yilmoqda.

Jumladan, IHV boshqarayotgan shaxslar trotuarlardan, piyodalar yo‘lkalaridan, piyoda va velosiped yo‘lkalaridan soatiga 6 kilometr tezlikdan yuqori bo‘lmagan holatda, ular bo‘lmaganda esa yo‘lning o‘ng chetki qismida soatiga 20 kilometr tezlikdan yuqori bo‘lmagan holatda harakatlanishi belgilanmoqda.