Prezident Shavkat Mirziyoyev va Rossiya prezidenti Vladimir Putin muzokaralar hamda hududlar kengashi yig‘ilishidan so‘ng tonggi soat uchgacha muloqotni davom ettirgan. Bu haqda “Gazeta.uz” xabar berdi.
Ma’lum qilinishicha, bu ma’lumotni nashrga O‘zbekiston prezidenti matbuot kotibi Sherzod Asadov tasdiqlagan.
16:48 da tahririyat so‘roviga javoban u davlat rahbarlari “tet-a-tet formatida muloqot qilishda davom etayotganini” aytgan.
“Muloqot jarayonida O‘zbekiston va Rossiyaning vazirlari va hududlari rahbarlari telefon orqali ko‘rsatma va topshiriqlar olmoqda”, — degan Sherzod Asadov.
Rossiya prezidenti matbuot kotibi Dmitriy Peskov Shavkat Mirziyoyev rossiyalik hamkasbini uyiga ham taklif qilganini aytdi.
“Kecha ular taxminan soat uchgacha gaplashganini bilaman. O‘zbekiston prezidenti (Rossiya) prezidentini o‘zi yashayotgan uyiga ham taklif qilgan. Ya’ni bu mutlaqo o‘zaro ishonch ruhidagi muloqot, ayni shunday haqiqiy, o‘zaro do‘stlik”, — dedi Peskov seshanba kuni soat 16:12 da jurnalist Pavel Zarubinning Telegram kanalida e’lon qilingan izohida.
Uning so‘zlariga ko‘ra, bugun ikkala davlat rahbarlari qisman norasmiy ruhda, qisman esa ish masalalarini muhokama qilgan holda, aeroportga chiqishdan oldin birgalikda nonushta qilishga qaror qilgan.
Vladimir Putinning O‘zbekistonga davlat tashrifi rejalashtirilganidek ikki kun emas, balki uchinchi kun ham davom etmoqda. Rossiya rahbari Toshkentga 26 may kuni kechki payt kelgandi.
“Birinchidan, ehtimol, ikki tomonlama munosabatlar hajmi [bunga sabab bshlgan bshlishi mumkin]. Kun tartibi shu qadar mazmunli, shu qadar aniq, keng qamrovliki, u davlat rahbarlaridan juda batafsil ishlashni talab qiladi. Rossiya delegatsiyasining misli ko‘rilmagan darajada katta tarkibi ham shu bilan izohlanadi. Va buning ustiga juda yaxshi shaxsiy munosabatlar ham qo‘shiladi… Shuning uchun bu yerda hamma narsa o‘zaro birlashadi, shu sababdan biz bu yerda uzoq vaqt bo‘ldik. Ammo, yana ta’kidlab o‘tish kerakki, bu bayramona emas, mutlaqo amaliy ahamiyatga ega (tashrif)”, — dedi u. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Italiya sudi Quddus Isroil poytaxti emasligi haqida qaror chiqardi
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
