21
Endi xorijiy ish beruvchilar tomonidan taklif etilayotgan ish o‘rinlari ochiq e’lon qilib boriladi
Prezidentning “Xorijda mehnat faoliyatini amalga oshirish jarayonlarini tartibga solish bo‘yicha qo‘shimcha chora-tadbirlar to‘g‘risida”gi qarori qabul qilindi. Bu haqda “Huquqiy axborot” kanali xabar berdi.
Qarorga ko‘ra, 2024 yil 1 noyabrdan:
- xorijiy ish beruvchilar tomonidan taklif qilinayotgan ish o‘rinlari haqidagi barcha ma’lumotlar Migratsiya agentligining elektron platformasi, OAV va ijtimoiy tarmoqlarda ochiq e’lon qilib boriladi;
- Agentlikning elektron platformasida fuqarolarga o‘zining rezyumesini shakllantirish va joylashtirish hamda e’lon qilingan ish o‘rinlari bo‘yicha tanlovlarda erkin ishtirok etish imkoniyati yaratiladi;
- vaqtincha mehnat faoliyatiga chiqib ketayotgan fuqarolarga Migratsiya jamg‘armasi hisobidan 10 million so‘mgacha ikki yil muddatga mikrokreditlar ajratiladi;
- fuqarolarning xorijda ishga joylashishi va “ishchi viza”ga oid hujjatlarini rasmiylashtirish bo‘yicha bepul konsalting xizmatlari ko‘rsatiladi.
2024 yil 1 dekabrdan agentlik tomonidan ta’lim tashkilotlarida xorijga ishga ketmoqchi bo‘lgan fuqarolarni kasb-hunar va chet tillariga o‘qitish bo‘yicha buyurtmalar joylashtirish tartibi joriy etiladi.
Shuningdek, xususiy bandlik agentliklari tomonidan litsenziya olish uchun zaxira qilinadigan mablag‘lar miqdori BHMning 8500 baravaridan 4000 baravarigacha tushiriladi.
2026 yil 1 yanvargacha Agentlikning fuqarolarni tashkillashtirilgan holda tanlash, xorijga ishga yuborish va ishga joylashtirish bilan bog‘liq funksiyalari bosqichma-bosqich xususiy bandlik agentliklariga o‘tkaziladi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ispaniyada Mbappening “po‘stagini qoqishyapti”
Isroilda yuk mashinasi bekatdagi odamlarni bosib ketdi (video)
Eron Isroilga qarshi urushga tayyorlanayotgani ma’lum qilindi
Ukraina ham, Rossiya ham urushga xorijliklarni yubormoqda (foto)
Taslim bo‘lgan Ukraina askarlari AQSH manfaatlari yo‘lida o‘lishni xohlamasliklarini aytishdi
Livanga yordam berish uchun Parijda taxminan 1 mlrd yevro yig‘ildi
Optimizm haqida...
Figurali uchish. O‘zbekistonlik sportchilar tarixda ilk bor Gran-pri turnirida sovrindor bo‘ldi