Rossiya Federatsiyasi prezidenti Vladimir Putin maxsus farmonga imzo chekib, O‘zbekistondagi elchi lavozimiga yangi nomzodni tasdiqladi.
Unga ko‘ra, endi mamlakatimizda Rossiya manfaatlarini Aleksey Yerxov namoyon etadi. U bunga qadar Rossiyaning Turkiyadagi diplomatik vakolatxonasiga rahbarlik qilib kelgan va o‘sha yerda o‘zini tajribali diplomat sifatida ko‘rsatgan.
Ma’lumot uchun, 2021-yildan buyon elchi vazifasini bajarib kelgan Oleg Malginov yaqinda o‘z faoliyatini yakunladi. U O‘zbekistonga tayinlanishidan oldin Rossiya Tashqi ishlar vazirligining xorijdagi vatandoshlar bilan aloqalar bo‘limiga boshchilik qilgan.
Endi Aleksey Yerxovning asosiy vazifasi ikki davlat o‘rtasidagi hamkorlikni yanada mustahkamlash, siyosiy, iqtisodiy va madaniy munosabatlarni yangi bosqichga olib chiqishdan iborat bo‘ladi. Moskva va Toshkent o‘rtasidagi strategik sheriklikka alohida ahamiyat qaratilayotgan bir paytda, yangi elchining ish faoliyati ham keng jamoatchilik tomonidan diqqat bilan kuzatilishi tabiiy.
Rossiyaning O‘zbekistondagi yangi elchisi tayinlangani ikki tomonlama aloqalarda yangi sahifa ochishi mumkin, degan fikrlar bildirilmoqda.
“Zamin”ni Telegramʻda oʻqing!
