Blogerning ko‘p xotinlilik targ‘iboti jazo bilan yakunlandi

O‘zbekiston hukumati ko‘p xotinlilikning targ‘ibotiga qarshi kurash boshladi. Bu haqda UPL muxbiri xabar berdi.

Muxbir ma'lumotlariga ko‘ra, joriy yil iyun oyida o‘zbekistonlik X.J. o‘zining Instagram sahifasida ko‘p xotinlilikni targ‘ib qilish bilan shug‘ullangan.

Yosh yigitning sahifasida 53 mingdan ortiq obunachi bor. X.J.

14-iyun kuni bir video e’lon qilib, agar qiz uni sevsagina, mahrga unga ikkinchi xotin so‘rashini aytgan. Ushbu video ijtimoiy tarmoq foydalanuvchilari orasida katta tanqid va muhokamalarga sabab bo‘ldi.

Natijada, bu holat huquqni muhofaza qilish organlari e’tiboriga tushdi. Yosh bloger huquqni muhofaza qilish organlari bilan suhbatda o‘z aybini tan oldi.

Erkak o‘z qilmishining noqonuniy ekanligini bilmaganini aytib, suddan jazoni yengillashtirishni so‘radi va o‘zining og‘ir ahvoli haqida ma’lumot berdi. Sud qarori bilan X.J.

5 million 625 ming so‘m miqdorida jarimaga tortildi. Ma’lumot uchun: Mahr - bu islomiy oilaviy huquq bo‘yicha er tomonidan nikoh tuzilganida xotinga berilishi lozim bo‘lgan majburiy mulk.

“Zamin”ni Telegramʻda oʻqing!