1-oktyabr holatiga ko‘ra, O‘zbekistonda 149 465 nafar fuqaro kredit rasmiylashtirishga ixtiyoriy taqiq xizmatidan foydalandi. Kredit axborot byurosi (KIATs) ma'lumotlariga ko‘ra, ushbu vosita firibgarlik va o‘ylamasdan olingan qarzlardan himoyalanish usuli sifatida tobora ommalashmoqda.
Statistikaga ko‘ra, xizmatdan foydalangan fuqarolarning asosiy qismini erkaklar tashkil etadi – 101,4 mingdan ziyod erkak, 47,9 ming nafar ayol. Yosh toifalari bo‘yicha esa eng faol guruh 26-35 yoshdagilar bo‘lib, ular umumiy ko‘rsatkichning uchdan bir qismini tashkil etdi.
Keyingi o‘rinlarda 36-45 yoshdagilar (25,6%) va 26 yoshgacha bo‘lgan yoshlar (19,2%) turadi. Xizmat ommaviylashmoqda: iyun oyida 33,1 ming fuqaro ushbu xizmatni yoqgan bo‘lsa, sentyabrda yangi foydalanuvchilar soni 40,8 mingdan oshdi.
Ushbu mexanizmning huquqiy asosi Shavkat Mirziyoyev tomonidan 4-mart kuni imzolangan qonun bo‘lib, u fuqarolar xabarisiz kredit rasmiylashtirishni oldini olishga qaratilgan. Taqiqni o‘rnatish yoki olib tashlash davlat xizmatlari markazlari, YaIDXP yoki to‘g‘ridan-to‘g‘ri kredit byurosi orqali mutlaqo bepul va cheklanmagan miqdorda amalga oshiriladi.
Ariza topshirilgan zahoti ma'lumotlar maxsus reyestrga kiritiladi. Kredit tashkilotlariga ushbu reyestr bo‘yicha potensial qarzdorlarni tekshirish majburiyati yuklatilgan.
Endilikda banklar va mikroqarz tashkilotlari ushbu ro‘yxatdagi shaxslarga kredit berishning huquqiy oqibatlari uchun to‘liq javobgardir. Kredit olishga ixtiyoriy taqiq mexanizmi ko‘plab mamlakatlarda moliyaviy intizomni oshirish va aholining qarzdorlik darajasini kamaytirish uchun samarali vosita sifatida ko‘rilmoqda.
Shuningdek, u ijtimoiy zaif guruhlarga qaratilgan moliyaviy firibgarlikning oldini olishning samarali chorasidir. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
