Andijon viloyatida uzoq vaqt davomida qarzdorlik sabab qidiruvga berilgan fuqarolar bo‘yicha yangilangan statistika e’lon qilindi. Bu haqda Bosh prokuratura matbuot xizmati ma’lum qildi.
Ma’lumotlarga ko‘ra, viloyatda Majburiy ijro byurosining hududiy bo‘limlari sud qarorlariga asosan qarzdor sifatida belgilangan 654 nafar shaxsga nisbatan qidiruv e’lon qilgan. Ularning 10 oydan ortiq vaqt mobaynida izlash ishlari olib borilgan.
Qidiruvda bo‘lganlardan 518 nafari topilgan va ular bo‘yicha keyingi ijro choralari ko‘rilgan. Aytishlaricha, aliment to‘lovchi qarzdorlarning 73 nafari sud hujjati ijroga qabul qilinishi oldidan chet elga chiqib ketgani aniqlangan. Ular haqida xalqaro qidiruv e’lon qilingan.
Shu bilan birga, xalqaro terroristik tashkilotga a’zoligi sababli 25-yildan ortiq qidiruvda bo‘lgan bir shaxs qo‘lga olinib, O‘zbekistonga qaytarilgani ham ma’lum qilindi.
Boshqa holatda, MIB hududiy bo‘limlari tomonidan 615 nafar fuqaroga nisbatan sud qarorlari asosida qidiruv berilib, ulardan 430 nafari topilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
