Samarqand shahrida huquqni muhofaza qiluvchi organlar tomonidan o‘tkazilgan navbatdagi tezkor tadbir davomida giyohvandlik moddasi savdosi bilan shug‘ullangan shaxs qo‘lga olindi. Bosh prokuratura huzuridagi Departamentning viloyat boshqarmasi va tegishli idoralar “Xavfsiz va sog‘lom yurt” keng qamrovli profilaktik chora-tadbirlari doirasida olib borgan amaliyot chog‘ida fuqaro M.S. maxsus nazoratga olingan.
Ma’lumotlarga ko‘ra, u 2,59 gramm «gashish» moddasini fuqaro M.X.ga 2 million so‘m evaziga berish vaqtida ashyoviy dalillar bilan ushlangan. Qonunbuzarning harakatlari tasdiqlanganidan so‘ng, unga nisbatan jinoyat ishi qo‘zg‘atildi.
Holat yuzasidan Jinoyat kodeksining 273-moddasi — giyohvandlik vositalarini tayyorlash, olish, saqlash yoki ularni noqonuniy ravishda realizatsiya qilishga oid qoidalarni buzish — bo‘yicha materiallar tergovga yuborilgan.
Hodisa yuzasidan surishtiruv ishlari davom etmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
