O‘zbekiston Milliy xavfsizlik xizmati va Bosh prokuratura huzuridagi soliq, valyutaga oid jinoyatlar va jinoiy daromadlarni legallashtirishga qarshi kurashish Departamenti xodimlari Beshariq tumani er resurslari va davlat kadastri bo‘limi mutaxassisi Zoir Oltmishov va uning hamtovog‘i – “Jasurbek T” fermer xo‘jaligi rahbari Tohir Esonovni pora olish chog‘ida qo‘lga olishdi, deb xabar bermoqda Kun.uz.
Milliy xavfsizlik xizmati idoralariga Farg‘ona viloyatining Beshariq tumanida yashovchi fuqaro “A.D” ariza bilan murojaat qilgan. Uning ta’kidlashicha, “Jasurbek T” fermer xo‘jaligi rahbari T.Esonov undan 16 sotix er olib berish uchun 5,5 ming AQSh dollarini talab qilgan.
Tezkor xodimlar ushbu ariza asosida maxsus amaliyot o‘tkazishdi, uning davomida T.Esonov 5,4 ming dollar va 800 ming so‘mni pora tariqasida olayotgan vaqtida ushlandi.
"Dastlabki tergov jarayonida Esonov ushbu summa Beshariq tumani er resurslari va davlat kadastri bo‘limi mutaxassisi Z.Oltmishovga mo‘ljallangani, u arizachiga 16 sotix er ajratish uchun tegishli hujjatlarni taqdim etishi kerak bo‘lganini xabar qildi. Qo‘lga olingan shaxs o‘z so‘zlarini tasdiqlash maqsadida hamtovog‘iga pul mablag‘larini nazorat ostida berishga rozi bo‘ldi", - deya ta’kidlab o‘tdi MXX vakili.
Natijada Oltmishov tama qilingan summani olish chog‘ida ushlandi.
Bosh prokuratura huzuridagi Departament Z.Oltmishov va T.Esonovga nisbatan O‘zbekiston Respublikasi JKning 168 (Firibgarlik) va 211 (Pora berish) moddalari bo‘yicha jinoyat ishi qo‘zg‘atdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi