O‘zbekiston Respublikasi Birinchi Prezidenti Islom Karimovning kenja qizi, “Sen yolg‘iz emassan” Respublika jamoatchilik bolalar jamg‘armasi, Respublika bolalar ijtimoiy moslashuvi markazi raisi, O‘zbekiston gimnastika federasiyasi prezidenti, Islom Karimov nomidagi Respublika xayriya jamoat fondi vasiylik kengashi raisi, O‘zbekistonning YuNESKOdagi doimiy vakili Lola Karimova-Tillyaeva bugun, 8 iyun kuni o‘zining Facebook’dagi sahifasi orqali iltimosnoma yo‘lladi. Bu haqda “Qalampir.uz” sayti yozmoqda.
Lola Karimovaning yozishicha, ayni damda o‘zbek atlasining dong‘ini dunyoga yanada tarannum etish maqsadida o‘zbek milliy matolarini ishlab chiqarish usullarini YuNESKOning Ilg‘or Tajriba to‘plamiga kiritish bo‘yicha ish olib borilyapti.
“Shoi – o‘zida go‘zallik va qulaylik, yengillik va jozibadorlikni mujassam etgan matodir. O‘zining yorqin tayyorlanish uslubi va naqshlarining o‘ziga xosligi bilan ajralib turadigan xon atlasda ko‘p millatli qadriyatlarimiz misoli ko‘zgudagidek ifoda etgan.
O‘zbekiston zamini o‘zining ko‘p asrlik “ikat” uslubidagi to‘quvchilik maktabi bilan haqli ravishda faxrlanadi. “Ikat” matolar to‘qish san’ati xalqimizning avloddan avlodga meros bo‘lib kelayotgan noyob madaniy boyligidir. Mohir o‘zbek to‘quvchi ustalari yaratadigan go‘zallikda betakror matolar abr matolar deb atalib, bu atama “bulut”, ya’ni tarxi bulutsimon ko‘rinishdagi bezaklar ma’nosini anglatadi. Bu hunarmandchilik turi, mana necha asrlarki, Sharq Uyg‘onish davridan to hozirgi kunga qadar o‘zining jozibador naqshlari va bezaklari bilan olamga go‘zallik hamda uyg‘unlik olib keladi.
Hozirgi kunda xalqimizning tarixiy to‘qimachilik merosini saqlash maqsadida O‘zbekistonning YuNESKOdagi doimiy vakolatxonasi tomonidan o‘zbek milliy matolarini ishlab chiqarish usullarini YuNESKOning Ilg‘or Tajriba to‘plamiga kiritish bo‘yicha ish olib borilyapti. Iltimos, o‘zbek atlasiga oid ma’lumotni ijtimoiy tarmoqlarda tarqatishga o‘z hissangizni qo‘shib, xon atlas liboslarida tushgan rasmingizni #uzbekikat yoki #khanatlas xeshtegi ostida ijtimoiy tarmoqlarda ulashing”, deb yozadi Lola Karimova.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Messi “dahshatli” ko‘rsatkich qayd etdi (video)
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Shavkat Mirziyoyev beshta davlat elchilaridan ishonch yorliqlarini qabul qildi
Karlo Anchelotti Arda Gyuler haqidagi savolga keskin javob qaytardi
UFC 301. Aleksandr Pantoja hakamlar qaroriga ko‘ra Stiv Ersegni mag‘lub etdi
Demensiyadan himoya qiladi va kayfiyatni ko‘taradi: birgina mahsulotdan super ichimlik
Toshkent metropolitenida 1 kunda o‘rtacha qancha yo‘lovchi tashilayotgani ma’lum qilindi
