18:58 / 04.09.2015
8 039

23 yoshli talaba vafotidan so‘ng Dushanbe IIBning to‘rt milisioneri o‘ldirib ketildi

23 yoshli talaba vafotidan so‘ng Dushanbe IIBning to‘rt milisioneri o‘ldirib ketildi
Tojikiston poytaxti Dushanbega tutash Vaxdat shahar ichki ishlar bo‘limiga uyushtirilgan bosqinchilik tufayli to‘rt nafar huquq-tartibot xodimi halok bo‘ldi. Bu haqda RIA “Novosti” ga asoslanib Kun.uz xabar bermoqda.

Hujum uyushtirgan etti nafar jinoyatchi yashiringan.

Axborot manbasining ma’lum qilishicha, jinoyatchilar hujum oldidan mahalliy harbiy qismdan katta miqdorda o‘qotar qurollar va o‘q-dorilarni o‘g‘irlab chiqishgan.

“Bosqinchilar — 23 yoshli talaba Umar Bobojonovning yaqinlari va qarindoshlaridan iborat guruhdir”, – dedi Tojikiston IIVdagi axborot manbasi.

Ma’lumotlarga ko‘ra, ta’til vaqtini Tojikistonda o‘tkazayotgan Sankt-Peterburg davlat universiteti talabasi Bobojonov 28 avgust kuni soqol o‘stirib yurgani uchun Vaxdat IIBga olib kelingan. 29 avgust kuni esa ko‘plab tan jarohatlari bilan shifoxonaga yotqizilgan. 3 sentyabr kuni esa Bobojonov vafot etgan. Tojikiston IIV rahbariyati mazkur holatlar bo‘yicha jinoiy ish qo‘zg‘atgan.

Milisiya xodimlari o‘limidan so‘ng poytaxt Dushanbe shahri ko‘chalarida patrullik qilish kuchaytirilgan va operativ tuzilmalarda xavf trevogasi e’lon qilingan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » 23 yoshli talaba vafotidan so‘ng Dushanbe IIBning to‘rt milisioneri o‘ldirib ketildi
[/banner_pushhouse