Sir emas, O‘zbekiston yoshlari uchun hamma sharoitlar yaratilgan. Ta’lim desa — bepul, tibbiy ko‘rik desa —
bepul, iqtidorimni namoyon qilaman desa — Yoshlar ittifoqining yuzlab loyiha, tanlov, aksiya, grantlari bor…
Birgina “Yosh kitobxon” Hespublika tanlovi g‘olibi uchun qo‘yilgan «Spark» avtomashinasining o‘zi bu boradagi islohotlarga yaqqol misol.
Ta’kidlash joiz, bunday imkoniyatlardan barcha yoshlarimiz to‘liq foydalana olayotgani yo‘q.
Nega, nima uchun? degan savollar har doimgidek ochiq. Ba’zi yoshlarimiz “Darsga borishga yo‘lkira topolmayapman”, deya vaj keltiradi. Vaholanki, ular tungi klublar uchun mablag‘ni qayerdan olayapti?
Savollar ko‘p. Millatimizning illati bo‘lmish loqaydlik qachongacha bizni ta’qib qiladi? Bugun respublika bo‘ylab Yoshlar ittifoqi qator hamkor tashkilotlar bilan birga tungi reydlar, nazorat tadbirlarini o‘tkazmoqda.
Jumladan, kuni-kecha Navoiy viloyat Kengashi ham hamkor tashkilotlar bilan birgalikda tungi reydlar o‘tkazmoqda. Ushbu reyd Navoiy shahridagi “Sharq” kafesi, “Sauna sputnik”, “Moskva” va “Jazz” kabi tungi klublarda o‘tkazilib, ushbu jarayonda spirtli ichimlik hamda chilim (kolyan) iste’mol qilayotgan 45 nafar voyaga yetmagan, nazoratsiz yoshlar e’tiborimizni tortdi. 45 nafar. Bitta hududda…
Eng achinarlisi, ularning ichida 3-sinf o‘quvchisi borligi bizni ortga qarashga, xatolardan xulosa chiqarishga undadi.
Axir, yashashning mazmun-mohiyatini to‘la anglashga ulgurmagan bu kabi yoshlarimizdan kelajakda nimani kutamiz…
Shuningdek, ayrim yoshlarimizning qo‘l telefoni tekshirilganida pornografik videolar topilayotgani, ular orasida qizlarimiz, bo‘lajak millat tarbiyachilari borligi har dam, har vaqt yoshlar tarbiyasi uchun nafaqat ota-ona balki, ta’lim muassasasi, mahalla, qo‘ni-qo‘shni, barchamiz mas’ul ekanligimizni yana bir bor namoyon qilib turmoqda.
Kafelarni yuritayotgan tadbirkorlarimiz ham mo‘may pul topish ilinjida voyaga yetmagan yoshlarning qaltis qadam tashlayotganini bila turib, munosabat bildirmayotganligi jamiyat taraqqiyotiga bolta urmoqda.
Manba: asr.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
