Toshkentlik tadbirkor Fathulla Tojiyev ishlab chiqarishga innovatsiyalarni qo‘llagan holda, bugungi zamon talabiga mos beshiklar ishlab chiqarishni yo‘lga qo‘ydi. "Xalq so‘zi" nashri bildirishicha, yig‘ma beshik — shulardan biri.
— U ishga ijodkorona yondashuvimiz mahsulidir, — deydi “Fatxulla Mega Star” xususiy korxonasi rahbari F. Tojiyev. — Uning qulayligi shundaki, vazni yengil. Atigi 3-4 kilogramm atrofida. Eng asosiysi, dastasi olingach, yig‘ilib, ixcham sumkaga joylanadi. Onalar uni uzoq manzilga o‘zlari bilan bemalol olib ketishlari mumkin.
Shu kabi afzalliklari tufayli bu beshikka nafaqat ichki bozor, balki xorijda ham talab ortmoqda. Xususan, Qozog‘iston Respublikasiga qariyb 50 ming AQSh dollarilik yig‘ma beshiklar eksport qilish bo‘yicha shartnomalar imzolandi. Ayni paytda mahsulotning dastlabki partiyasi — 2 ming dollarilik beshiklar buyurtmachilarga jo‘natildi. Qolgan qismi esa, kelishuvga ko‘ra, yil davomida yetkazib beriladi.
Bugungi kunda korxonada 26 kishi mehnat qilayotgan bo‘lib, kuniga 40 tagacha, 15 xildagi beshik yasash imkoniyati mavjud. Mahsulot tayyorlashda hunarmadchilikning o‘ymakorlik, naqqoshlik kabi turlaridan ham mohirona foydalanilayotgani ko‘pchilikka manzur bo‘lmoqda.
— Biznesning bu turini bejiz tanlaganimiz yo‘q, — deydi tadbirkor. — Beshikchilik bizga ota kasb hisoblanadi. Joriy Faol tadbirkorlik, innovatsion g‘oyalar va texnologiyalarni qo‘llab-quvvatlash yilida faoliyatimizni yanada kengaytirish, innovatsion ishlanmalarni joriy etish evaziga bolalar va onalar uchun birdek qulay bo‘lgan beshikning yangi turlarini yasashni rejalashtirganmiz.
Shu maqsadda tadbirkor tomonidan ishlab chiqilgan biznes-reja ayni paytda moliyalashtirish jarayonida. U to‘liq amalga oshsa, 25 taga yaqin ish o‘rinlari ochiladi. Muhimi, mahsulot tayyorlash va eksport qilish imkoniyati yanada kengayadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Pnevmatik qurollarni o‘z ixtiyori bilan topshirganlar javobgarlikdan ozod etiladi
D vitamini dozasini oshirib yuborishning xavfli oqibatlari
Jizzaxda uchta yuk mashinasi ishtirokida YTH sodir bo‘ldi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
“Roma” Shomurodov uchun yana 8 million yevro xarajat qiladi!
“Umra” ziyoratiga borib kelish tartibi takomillashtiriladi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
