Oliy Majlis Senatining o‘n to‘rtinchi yalpi majlisida ishtirok etgan O‘zbekiston Davlat xavfsizlik xizmati raisi Ixtiyor Abdullayev «O‘zbekiston Respublikasining Davlat xavfsizlik xizmati to‘g‘risida»gi qonuni yuzasidan o‘z fikrlarini bildirdi. Uning so‘zlarini O‘zA keltirmoqda.
«Prezidentimiz farmoni bilan tasdiqlangan O‘zbekistonni rivojlantirishga oid Harakatlar strategiyasi jamiyatimiz barcha sohalarida yangi islohotlar amalga oshirilishiga zamin yaratdi.
Bu jarayonda, albatta, mamlakatda tinchlik va barqarorlikni ta’minlash, yurtimizni nafaqat tashqi, balki ichki tahdidlardan himoya qilish dolzarb vazifalardandir. Ana shunday omillarning mavjudligi xavfsizlikni ta’minlash sohasini takomillashtirishni taqozo etdi. Shu maqsadda Davlat xavfsizlik xizmati faoliyati takomillashtirildi.
Ayrim bizga yaqin bo‘lgan davlatlardagi beqarorlik, terrorchilik harakatlarning faollashgani, jangarilar safida bo‘lgan hamyurtlarimizning qaytib kelishi, qo‘shni davlatlar bilan chegaralarning ochilgani tufayli kirib kelayotgan odamlar ko‘paygani, ular orasida yomon niyatli kimsalar ham uchrayotgani, ular bilan diniy ekstremik ruhdagi adabiyotlarning kirib kelayotgani ma’lum havflar hamon mavjudligini ko‘rsatmoqda. E’tiqod erkinligini ayrimlar noto‘g‘ri tushunib, turli oqimlarga kirishga harakat qilayotganida namoyon bo‘lmoqda.
O‘zini muxolifat sanab yurgan ayrim kuchlarning faollashuvi, faoliyatlarini qonuniylashtirishga intilayotgani zamirida mamlakatga kirib, undagi barqarorlikni izdan chiqarishga qaratilgan harakat mavjud.
O‘zbekistonning boshqa davlatlar hududida mehnat qilayotgan fuqarolari ko‘p hollarda turli ekstremistik oqimlar ta’siriga tushayotgani xavfli holatlardan biri. Xorijiy davlatlardan kirib kelayotgan insvestitsiyalarning barchasini ham foydali, deb bo‘lmaydi. Bularning hech biri e’tiborimizdan chetda qolmasligi kerak.
Aytish o‘rinliki, 26 yil mobaynida milliy xavfsizlik xizmati faoliyati qonun asosida tartibga solinmagan edi.
Davlatimiz rahbarining 2018 yil 14 martdagi farmoni bilan Davlat xavfsizlik xizmati tashkil etilib, uning faoliyatiga oid qonun qabul qilish vazifasi qo‘yilgan edi. Shu asosda tayyorlangan sohaga oid yangi qonunda Davlat xavfsizlik xizmatining asosiy vazifalari belgilandi. Deputatlar tomonidan manfaatdor idora va tashkilotlar hamkorligida ishlab chiqilgan qonunda xizmatning barcha faoliyat yo‘nalishlari aniq belgilangan. O‘z navbatida, xizmatning vakolat va vazifalarining aniq chegaralari ham qonunda o‘z ifodasini topgan.
Qonun asosida xizmat xodimlari mamlakatimiz konstitutsiyaviy tuzumi hududiy yaxlitligi, boshqaruv tizimidagi davlat xavfsizligiga tahdid soluvchi korrupsiyaviy holatlarga qarshi kurashadi. Yuqori lavozimdagi shaxslar, uyushgan jinoiy guruhlarning korrupsiyaviy harakatlari, noqonuniy davlat xaridlari, tizimli korrputsion jinoyatlarga barham berish, ularning oldini olish borasida izchil faoliyat yuritadi.
Qonun davlat xafsizligini ta’minlash borasida davlat xavfsizlik xizmatining barcha vazifalarini bajarishda muhim huquqiy asos bo‘ladi».
Ixtiyor Abdullayev, Davlat xavfsizlik xizmati raisi
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rashida Tolib Kongress a’zolariga «achchiq haqiqat»ning suratini ko‘rsatdi
Turkiya Isroil prezidenti samolyotini havo hududiga kiritmadi
Eron AQSHdan 1 trln dollar kompensatsiya talab qildi
Dunyoning mashhur ayollari kunni qanday boshlaydi?
Shimoliy Koreya Rossiyaga uzoqqa zarba beruvchi qurollar yubordi
Tyumen oblastiga O‘zbekistondan mehnat migrantlari ishga jalb qilinadi
KXDR Rossiyaga 100 minggacha harbiy yuborishi mumkin
Ijtimoiy tarmoqlar davrida ruhiy salomatlikni qanday saqlash mumkin?
