Keyingi paytda ijtimoiy tarmoqlarda sayyohlarning Imom Buxoriy majmuasiga kirishi uchun haq undirilayotgani haqida ma’lumotlar tarqalib, bu borada turli fikrlar bildirildi. Bu gap-so‘zlar qanchalik asosli?
O‘zA muxbiri Samarqanddagi Imom Buxoriy yodgorlik majmuasi rahbari D.Ermamatovga murojaat qildi.
"Haqiqatdan ham bugungi kunda majmuaga kirish uchun mahalliy ziyoratchilar 1000 so‘mdan pul to‘lamoqda. Ushbu mablag‘ inshootni saqlash va hududni obodonlashtirish, mehmonlar uchun zarur shart-sharoit yaratish hamda xodimlarga ish haqi berishga yo‘naltiriladi. Shu paytgacha bu xarajatlar majmuaga keluvchi fuqarolarning ehsonlari, homiylar mablag‘i hisobidan qoplangan. Bugungi kunda sayyohlar oqimining keskin ko‘payishi ziyoratgohda ular uchun qo‘shimcha qulayliklar yaratish, yangi ish o‘rinlari ochish hamda ularning xavfsizligini ta’minlashni taqozo etmoqda. Shu sababli ziyoratchilarning majmuaga kirishi pullik tartib asosida yo‘lga qo‘yildi.
Yilning birinchi choragida Imom Buxoriy majmuasini 311 ming nafardan ortiq sayyoh, jumladan, 1900 nafarga yaqin xorijliklar ziyorat qilgan. Bu o‘tgan yilning shu davriga nisbatan, 146 ming nafarga ko‘p demakdir. Pul tushumi esa 414 million so‘mni tashkil etib, 2017 yilning birinchi choragiga nisbatan ikki barobar ko‘p bo‘ldi.
Ayni paytda dam olish kunlarida majmuaga o‘rtacha 5 ming nafar sayyoh kelmoqda. Navro‘z bayrami kunlari esa 15-17 minggacha ziyoratchi tashrif buyurdi. Birinchi navbatda bu sayyohlarning xavfsizligini ta’minlash talab etiladi. Shu maqsadda ilgarigi bitta qo‘riqlash posti ikkitaga yetkazilib, tun-u kun qo‘riqlov amalga oshirilyapti. Majmua ichida esa “Xavfsiz turizm” xodimlari faoliyat ko‘rsatmoqda". “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
O‘zbekistonda qaysi davlatlarning kapitali ishtirokidagi korxonalar soni ko‘p?
“Muhtasham yuz yil” seriali yulduzlarining umr yo‘ldoshlari (foto)
Ukrainada OIV va saraton kasalligiga chalingan bemorlar armiyaga chaqiriladi
Ayollar erkaklarga qaraganda uzoqroq yashashadi, lekin...
Ekologiya inspektorlariga hujum qilgan brakonerlar qamoqqa olindi
2025 yilgi Green Card natijalari e’lon qilindi