Oʻzbekiston Respublikasi IIV Jinoyat qidiruv bosh boshqarmasi Korrupsiya va iqtisodiy jinoyatlarga qarshi kurashish boshqarmasi taqdim etgan xabarga koʻra, joriy yilning 24 sentyabr kuni fuqaro Ch.N. Ichki ishlar vazirligiga ariza bilan murojaat qilgan.
Unda Toshkent davlat yuridik universiteti talabasi “R” ismli shaxs va oʻzini Mehnat vazirligining yuqori lavozimida ishlovchi rahbar xodimi deb tanishtirgan “X” ismli shaxs uning ikki tanishini Oliy va oʻrta maxsus taʼlim vazirligining rahbarlari orqali Toshkent avtomobil yoʻllari kollejiga oʻqishga kiritib qoʻyish evaziga 3000 AQSH dollari miqdoridagi pullarni berishini talab qilayotganliklarini maʼlum qilgan.
Ariza asosida, shu kuni IIV tezkor xodimlari tomonidan Yunusobod tumanida oʻtkazilgan tadbir davomida, Toshkent davlat yuridik universitetining 4-bosqich talabasi J.R. ariza muallifi Ch.N.dan 3000 AQSH dollari miqdoridagi pullarni olgan vaqtida ashyoviy dalillar bilan ushlandi. J.R. ushbu pullardan 1000 AQSH dollarini oʻziga ulush sifatida olib qolib, qolgan 2000 AQSH dollarini oʻqishga joylashtirish masalasini hal etish uchun “X” ismli sherigiga berishi lozim boʻlganligini koʻrsatganligi sababli tezkor tadbir davom ettirildi.
Natijada, 27 sentyabr kuni Oʻzbekiston Respublikasi Milliy universitetining 2-bosqich talabasi X.X. hamda ushbu universitetining Ijtimoiy fanlar fakulteti katta oʻqituvchisi lavozimida ishlovchi X.S.lar 2000 AQSH dollari miqdoridagi pullarni olgan vaqtlarida ashyoviy dalillar bilan ushlandilar.
Ushbu holat yuzasidan IIV huzuridagi Tergov departamenti tomonidan fuqarolar J.R., X.X. va X.S.larga nisbatan Oʻzbekiston Respublikasi Jinoyat kodeksining tegishli moddalari bilan jinoyat ishi qoʻzgʻatilib, ehtiyot chorasi tariqasida qamoqqa olinganlar. Tergov harakatlari olib borilmoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Sariqmi yoki yashil: qaysi turdagi banan foydaliroq?
