Sud jarayonlarini real vaqtda efirga uzatish yoʻlga qoʻyildi

Mamlakatimizdagi 12 ta sudda tajriba tariqasida amaliyotga kiritilgan ushbu tajriba xalqaro anjuman ishtirokchilari tomonidan yuqori baholandi.

Toshkent shahrida Oʻzbekiston Respublikasi Oliy sudi tomonidan BMT Taraqqiyot dasturi, YEXHT loyihalari koordinatori, BMT Bolalar jamgʻarmasi, AQSH Xalqaro taraqqiyot agentligi, F. Ebert nomidagi jamgʻarma (Germaniya) va “Mintaqaviy muloqot” tashkiloti (Sloveniya) hamkorligida xalqaro konferensiya oʻtkazilmoqda. “Jinoyat va jinoyat-protsessual qonunchilik hamda huquqni qoʻllash amaliyotini demokratlashtirish: Oʻzbekiston tajribasi” mavzuidagi mazkur anjumanda oʻndan ziyod davlatlarning sohasi xodimlari hamda xalqaro tashkilotlarning ekspertlari ishtirok etmoqda.

Xorijlik ekspertlar mamlakatimizda amalga oshirilayotgan sud-huquq islohotlari va ularning amaliy natijalari bilan yaqindan tanishmoqdalar. Xususan, “Xabeas korpus” institutini keng qoʻllash, jinoyat ishlarini yuritishning soddalashtirilgan tartibini joriy etish hamda sud va tergov jarayonida fuqarolarning huquq va erkinliklarini kafolatlash borasida koʻrilayotgan chora-tadbirlar ularda iliq taassurot qoldirayotir. Ayniqsa, jahonda birinchi marta 12 sudda sud jarayonlarini tajriba tariqasida real vaqtda efirga uzatish yoʻlga qoʻyilganligi xorijliklar tomonidan yuqori baholandi.

Xalqaro konferensiya oʻz ishini davom ettirmoqda. “Zamin”ni Telegramʻda oʻqing!