“O‘zbekenergo” AJ rasmiy saytida 2018 yilning 16 noyabridan boshlab elektr energiyasining oshiriladigan narxlari borasidagi ma’lumot e’lon qilindi.
O‘zbekiston Respublikasi Vazirlar Mahkamasining “Yoqilg‘i-energetika resurslari narxlarining va tariflarining bosqichma-bosqich o‘zgarishi to‘g‘risida”gi 2018 yil 1 noyabrdagi 897-sonli qaroriga asosan “O‘zbekenergo” AJ 2018 yil 16 noyabrdan boshlab elektr energiyasining narxlari oshganligini ma’lum qiladi.
Ma’lumotga ko‘ra, iste’molchilar uchun elektr energiyasi tariflari ikki bosqichda — 2018 yil 16 noyabrdan va 2019 yil 1 iyundan oshirishi ko‘zda tutilgan.
Ma’lum qilinishicha, ushbu tariflar 1 kVt-soat elektr energiyasi uchun qo‘shilgan qiymat solig‘i hisoblangan holda O‘zbekiston Respublikasi Vazirlar Mahkamasining “Yoqilg‘i-energetika resurslari narxlarining va tariflarining bosqichma-bosqich o‘zgarishi to‘g‘risida”gi 2018 yil 1 noyabrdagi 897-sonli qarori va O‘zbekiston Respublikasi Vazirlar Mahkamasining “Elektr energiyasi va tabiiy gazdan foydalanish tartibini takomillashtirishga doir qo‘shimcha chora-tadbirlar to‘g‘risida” 2018 yil 12 yanvar 22-sonli qarori bilan tasdiqlangan elektr energiyasidan foydalanish qoidasiga asosan o‘rnatilgan.
Eslatib o‘tamiz, O‘zbekiston Respublikasi normativ-huquqiy hujjatlar loyihalari muhokamasi portalida O‘zbekiston Respublikasi Vazirlar Mahkamasining “Yoqilg‘i-energetika resurslariga narxlar va tariflarning o‘zgarishi to‘g‘risida”gi qarori loyihasi muhokamaga qo‘yilgani haqida avval ham xabar bergan edik.
Mazkur qaror loyihasida aholi va korxonalar uchun tabiiy gazning narxi ham oshirilishi ko‘zda tutilgan edi.
Qaror loyihasida, shuningdek, avtobenzin va dizel yoqilg‘isi iste’mol uchun soliqni hisobga olgan holda, 2018 yil 16 noyabrdan boshlab quyidagi chakana narxlarni o‘rnatish haqida gap boradi:
- Ai80 markali avtobenzin — 4000 so‘m/litr;
- Ai91 markali avtobenzin — 4500 so‘m/litr;
- dizel yoqilg‘isi — 4800 so‘m/litr;
- EKO markali dizel yoqilg‘isi — 4900 so‘m/litr.
Qonunchilik bilan aniqlashtirilgan alohida toifadagi shaxslarga avtobenzin xaridi uchun xarajatlarning bir qismini qoplash maqsadida oyiga 66.700 so‘m pul kompensatsiyasi to‘lash ham nazarda tutilayotgan edi.
Elektr energiyasi uchun belgilangan yangi tariflar muhokama qilingan loyihadagidan farq qilmayapti. Tabiiy gaz va yoqilg‘i uchun narxlar qay tarzda o‘zgargani haqidagi rasmiy ma’lumotni keyinroq ma’lum qilamiz. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi