Gulnora Karimovaga tegishli 800 million frankni o‘zida saqlashni istamayotgan Shveysariya hukumati pullarni O‘zbekistonga qaytarishga shoshmayapti deb yozadi Kun.uz nashri.
«Shveysariya noqonuniy yo‘l bilan topilgan boylikni o‘zida saqlab turishdan manfaatdor emas», – deb javob bergan TIV Gulnora Karimovaga tegishli aktivlar taqdiriga qiziqqan DW so‘roviga.
Shveysariya prokuraturasining DW’ga bildirishicha, jinoiy ishni mantiqiy yakuniga yetkazish uchun sud kollegiyasining qolgan to‘rt ayblanuvchiga nisbatan qarorini kutish kerak bo‘ladi.
«Keyingi o‘ttiz yil davomida Shveysariya ikki milliard dollardan ortiq pulni qaytargan - bu boshqa har qanday davlat qaytargan mablag‘dan ko‘proqdir. Ammo hozirda qaytarilishi lozim bo‘lgan boylik bilan qanday ish tutish kerakligiga baho berishga hali erta», – deyiladi Shveysariya TIV bayonotida.
Ma’lum qilinishicha, asosiy masala – uning Shveysariyadagi aktivlarini nima qilish kerakligiga javob topish lozim. Ya’ni aktivlarni qaytarish va ularni qanday sarflash bo‘yicha tomonlar o‘rtasida hujjat imzolanishi zarur.
Ushbu masalada O‘zbekiston Respublikasi Bosh prokuraturasi Kun.uz'ga izoh berib, «bu o‘zbek va shveysar prokuraturalari o‘rtasidagi idoralararo masala» ekanini bildirdi.
«Bular ochiqlanmaydi, ayni paytda muzokaralar davom etmoqda», – deydi Bosh prokuratura matbuot kotibi Surayyo Rahmonova.
Karimovaning sobiq turmush o‘rtog‘i Mansur Maqsudiy ham Gulnoraning pullariga da’vo qilyapti. Uning Der Bund gazetasiga bergan intervyusida Maqsudiylarga tegishli bo‘lgan O‘zbekistondagi barcha mulklari tortib olingani haqida gap boradi.
Eslatib o‘tamiz, Jinoyat ishlari bo‘yicha Toshkent viloyat sudining 2015 yil 21 avgustdagi hukmiga ko‘ra 5 yilga shartli ravishda ozodlikdan mahrum etilgan Gulnora Karimova mamlakat hududida jazoni o‘tamoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi