Toshkentda 13 fevraldan 14 fevralga o‘tar kechasida fohishalik bilan shug‘ullanishda gumonlanayotgan 34 nafar ayol qo‘lga olindi, deb xabar qilmoqda IIBB matbuot xizmati.
Ayollarning barchasi ko‘ngilochar maskanlar va mehmonxonalar yonida qo‘lga olingan. Ularning eng katta qismi Chilonzor va Uchtepa tumanlarida ushlangan: xususan, Qatortol ko‘chasidagi "Shuhrat" chorrahasida, Al-Xorazmiy krugi oldida. Bundan tashqari, ayollarning 9 nafari Shahrisabz va Amir Temur ko‘chalari chorrahalarida (Mirobod tumanida) qo‘lga olingan. Bektemir tumani - "Qo‘yliq" bozori yonida va Yashnabod tumanida jami 8 nafar ayol qo‘lga olingan.
Ayollarning 6 nafarini IIBB xodimlari Yunusobod tumanida Amir Temur ko‘chasida to‘xtatishgan.
Bu ayollarning 24 nafari ilgari ham O‘zbekiston Respublikasi ma’muriy javobgarlik to‘g‘risidagi kodeksining 190 moddasi (fohishalik bilan shug‘ullanish) bo‘yicha ma’muriy javobgarlikka tortilgan.
Shuningdek, "IIBB xodimlarining kechki va tungi paytlarda o‘tkazayotgan reydlari dunyodagi eng ko‘hna kasb deya atalmish fohishalik bilan shug‘ullanishda gumonlanayotgan xotin-qizlarni aniqlashdangina iborat emas. Asosiy maqsad - ularni bu singari hayot tarziga nima majburlaganini aniqlashdir. Ehtimol ular hunarga yoki kasb-korga ega emasdir, balki yaqinlari bilan munosabatlari buzilgandir, yaqinlari kasalligi tufayli shu ish bilan shug‘ullanishga majbur bo‘lgandir... Biroq fohishalar bilan tartibsiz aloqalar nafaqat oila buzilishiga olib kelishi, balki jiddiy yuqumli kasalliklarni ham yuqtirib olish xavfini tug‘dirishi mumkin", - deyilgan xabarda.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
U23 Osiyo Kubogi yarim final bahsi. Yaponiya ikkinchi finalchiga aylandi!
Toshkent viloyatida ikki yigit taksi haydovchisining joniga qasd qilmoqchi bo‘ldi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Amerikalik xonanda Billi Aylish noodatiy fobiyasi haqida so‘zlab berdi
Yaponiya terma jamoasi bosh murabbiyi: "Parij Olimpiadasiga qit’a chempionlari maqomida borishni maqsad qilganmiz"
Eron Afg‘oniston bilan chegarasida beton devor qurishni boshladi