Fuqarolik kodeksiga oʻzgartirish va qoʻshimchalar kiritildi (20.03.2019 yildagi OʻRQ–531-son Qonun), deb yozmoqda Norma.
Ayni paytgacha koʻchmas mulkning barcha oldi-sotdi shartnomalari notarial tartibda tasdiqlanishi lozim edi. Endi hammasi bevosita koʻchmas mulk obyektiga bogʻliq.
Kvartira, uy yoki ularning qismlari, shuningdek mulkiy kompleks sifatida umuman korxonaning oldi-sotdi bitimlarini majburiy notarial tasdiqlash tartibi saqlanib qoldi. Tegishincha, agar yer uchastkalari, binolar, inshootlar, koʻp yillik dov-daraxtlar va boshqa koʻchmas mulk obyektlari sotilsa, notarius huzuriga borish shart emas.
Quyidagi jihatlarga eʼtibor qaratish lozim:
birinchidan, majburiy notarial tasdiqlash toʻgʻrisidagi qonun talabi bekor qilindi, biroq istalgan taraflardan biri avvalgidek uning notarial shakliga rioya etilishini talab qilishi mumkin (FKning 110-moddasi 2-qismi);
ikkinchidan, istalgan koʻchmas mulk obyektiga, hatto notarius tomonidan tasdiqlanmagan bitimlar boʻyicha mulk huquqining oʻtishi davlat roʻyxatidan oʻtkazilishi lozim. Eslatib oʻtamiz, mulk huquqi yuzaga kelgan (oʻtgan) kundan boshlab bir oy mobaynida davlat roʻyxatidan oʻtkazish uchun murojaat qilish lozim. Iyun oyidan boshlab ushbu muddatni buzganlik uchun jarima sola boshlaydilar;
uchinchidan, Fuqarolik kodeksida faqat koʻchmas mulk obyekti turiga qarab notarial tartibda tasdiqlash majburiyligi belgilandi. Biroq Qonunchilik palatasida tuzatishlarni muhokama qilish jarayonida faqat yuridik shaxslarga tegishli koʻchmas mulkni majburiy tartibda tasdiqlash bekor qilinishi haqida soʻz yuritilgan edi.
Ehtimol, qonun loyihasining ushbu qismiga keyinroq Senatda tuzatish kiritilgandir, biroq bitim subyektlari tarkibiga (yuridik, jismoniy shaxslar) doir shartlarga qonunosti va idoraviy hujjatlar darajasida ham aniqlik kiritilishi mumkin. Misol uchun, Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga tegishli tuzatishlar kiritilishi kerak.
Qonun 21.03.2019 yildan kuchga kirdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Toshkent viloyatida 17 ta noqonuniy mayner davlatga 16 milliard so‘m zarar yetkazdi
Abduqodir Husanov va Hojimat Erkinov klubi ixtiyoriga qaytdi
AQSHda MXA sobiq xodimi Rossiya foydasiga josuslik qilgani uchun 21 yilga qamaldi
O‘zbekiston Bibixonim masjidini rekonstruksiya qilayotgan Qatarga minnatdorlik bildirdi
O‘zbekistonliklar Saudiyaga tibbiyot va mehmonxona sohalari bo‘yicha ishga yuborilishi mumkin
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
Filippinda qurib qolgan suv to‘g‘oni ostida 300 yillik shahar qoldiqlari topildi