Davlat xizmatlari agentligi oliy ta’limi muassasalariga o‘qishga kirmoqchi bo‘lgan o‘zbekistonliklarga hujjatlar qabuli bo‘yicha o‘ziga xos yo‘riqnoma ishlab chiqdi.
1. 2019/2020 o‘quv yilidan boshlab O‘zbekiston davlat oliy ta’lim muassasalari bakalavriatiga o‘qishga kirish uchun abituriyentlar Davlat xizmatlari markazlari yoki my.gov.uz portali orqali murojaat qilish imkoniga ega.
2. Xorijiy, xususiy hamda harbiy oliy ta’lim muassasalariga, oliy ta’lim muassasalarining magistraturasiga hamda oliy ta’lim muassasalari maxsus sirtqi ta’lim shakllariga o‘qishga kirish uchun abituriyentlar, shuningdek xorijiy fuqarolar bevosita oliy ta’lim muassasasi o‘ziga hujjat topshiradi.
3. Abituriyentlar ularning doimiy (vaqtincha) ro‘yxatda turgan joyidan qat’iy nazar, eksterritorial tamoyil asosida istalgan Davlat xizmatlari markaziga kecha-yu kunduz murojaat qilishi mumkin.
4. Oldingi o‘quv yillari bitiruvchilari may oyidan iyun oyining yarmigacha hujjat topshirishlari mumkin.
Joriy o‘quv yili bitiruvchilari esa iyun oyining ikkinchi yarmidan iyul oyining oxiriga qadar topshirish imkoniga ega.
5. Davlat xizmatlari markaziga quyidagi hujjatlarning asl nusxasi taqdim etiladi:
- fuqarolik pasporti (mavjud bo‘lmasa ichki ishlar bo‘limlari tomonidan berilgan 09-shakl bo‘yicha jismoniy shaxsning shaxsiy identifikatsion raqamini ko‘rsatgan holda ma’lumotnoma);
- pasport yoshiga yetmaganlar uchun tug‘ilganlik to‘g‘risidagi guvohnoma;
- umumiy o‘rta ta’lim (11-sinf negizida) yoki o‘rta maxsus, kasb-hunar ta’limi muassasasini tugatganligi haqidagi hujjat (ilovasi bilan);
- O‘zbekiston Respublikasi Prezidentining hamda Vazirlar Mahkamasining normativ-huquqiy hujjatlarida belgilangan tartibda imtiyozga ega bo‘lgan abituriyentlar imtiyoz huquqini tasdiqlovchi hujjat.
6. Abituriyent bir vaqtning o‘zida o‘qitishning bir shakli doirasida uchtagacha oliy ta’lim muassasasi (ta’lim yo‘nalishlari)ni tanlashi mumkin. Bir nechta oliy ta’lim muassasasi (ta’lim yo‘nalishlari)ni tanlashda imtihon topshiriladigan fanlar majmuasi va ketma-ketligi mos bo‘lishi shart.
7. Abituriyent imtihon natijalariga ko‘ra oliy ta’lim muassasasiga qabul qilingan taqdirda Vazirlar Mahkamasining 2017 yil 20 iyundagi 393-son qarori bilan tasdiqlangan nizomda ko‘rsatilgan hujjatlarning asl nusxalarini tegishli oliy ta’lim muassasalariga o‘quv yili boshlangunga qadar taqdim etadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?