O‘zbekistonlik qo‘shiqchi Jasur Umirov o‘z tanishiga tahdid qilgani uchun sud qilindi va unga nisbatan ma’muriy qamoq jazosi belgilandi.
Kun.uz manbasi ma’lumotiga ko‘ra, Jasur Umirov 2018 yilning 18 noyabr kuni tungi soat 03:00larda mast holatda H.Q.ning xonadoniga o‘zining «Kaptiva» rusumli avtomashinasida (davlat raqami 01 P 288 AB) borgan. Shaxsiy adovati bo‘lgani bois uning darvozasiga bir necha marta avtomashinasining oldi qismi bilan urgan. Darvozaga shikast yetkazgan, jabrlanuvchini haqoratlagan va qo‘lidagi pichoq bilan qo‘rqitgan.
«24 aprel kuni Toshkent shahar Olmazor tuman ma’muriy sudi tomonidan 1986 yil Samarqand viloyatida tug‘ilgan Jasur Umirovga nisbatan ma’muriy javobgarlik to‘g‘risidagi kodeksning 183-moddasi, mayda bezorilik, ya’ni jamoat joylarida uyatli so‘zlar bilan so‘kinish, fuqarolarga haqoratomuz shilqimlik qilish hamda jamoat tartibini va fuqarolarning osoyishtaligini buzuvchi shu kabi boshqa xatti-harakatlarda ifodalangan jamiyatda yurish-turish qoidalarini qasddan mensimaslik moddasi doirasida sud ishi ko‘rib chiqildi», deyiladi manba ma’lumotida.
Sudda Jasur Umirov aybiga to‘liq iqror bo‘lgan - rostdan ham o‘zi bilan olib yuradigan pichog‘i bilan tanishini qo‘rqitib haqoratlaganini tan olgan. Sabab sifatida o‘zi yoqtirgan «Sh» ismli qizni unga turmushga berishmayotganini ko‘rsatgan. Lekin qilgan ishidan afsusdaligini bildirib, suddan yengillik so‘ragan.
Sud estrada yulduzi Jasur Umirovni MJtKning 183-moddasida ko‘rsatilgan huquqbuzarlikni sodir etgan deb topdi. Unga 15 (o‘n besh) sutkalik ma’muriy qamoq jazosi tayinlandi.
Joriy yilning 26 aprel sanasida Toshkent shahar ma’muriy sudi tomonidan keyingi bosqich sudida uning ishi ko‘rib chiqildi va qaror o‘zgarishsiz qoldirildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskvadagi terakt bo‘yicha yana uch kishi ushlandi
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Suvni tik turgan holda ichish mumkin emasligi ilmiy jihatdan isbotlandi
Rossiya qo‘shinlari Avdeyevkadagi ikkita qishloqni egallab oldi
Qahva va saraton: olimlardan zo‘r yangilik!
Emmanuel Makron: “Ukraina tez orada qulashi mumkin”
Rossiyaning harbiy operatsiyadagi manyovri Ukrainani hayratga soldi