«Azizlar, uyg‘oq-bedor Millat muborak!»

Azizlar, shu kunda Ramazon shukuhiga vobasta yana bir ajoyib his – tuyg‘u shukronasi, yuragimni shodlikka to‘ldirdi. Yaratganga behad shukronalar bo‘lsinkim, O‘zbek millati farzandlarining o‘z Ona tilini naqadar ardoqlashini ko‘rib, quvonchim samolarga yetdi. Bunga sabab bo‘lgan “ziyoliylar"ga esa minnatdorchilik bildiraman.

Sizlarning iddaolaringiz sabab xalqimiz, millatimiz birligi-yakdilligi namoyon bo‘ldi. Partiyalar, davlat va din arboblari, oddiy xalq, o‘qituvchi va shifokorlar, barcha-barcha jondanda aziz Ona tilimizning himoyasiga otlandilar.

Allohga shukrlar bo‘lsin, shu kunlarni ko‘rishni men, ojiz bandasiga ham nasib etdi. Ota-onalarimiz, bolaligimizdan bizga o‘zligimiz, g‘ururimiz, qadriyatlarimiz asosida tarbiya berishgan. Inshaalloh, ajdodlarimizning ruhlari ham shod, chunki asl Vatan farzandlari bedor. Ularning qalbi shu Buyuk Millatning or-nomusi, muhabbati bilan to‘lig‘dir.


Manba: Azon.uz