Hokimlik o‘z qarorini bekor qilishni so‘rab... sudga murojaat etdi! Bunaqasi bo‘lgan emas. To‘g‘ri, sudlarda hokimlarning ozmuncha qarorlari bekor bo‘layotgani yo‘q. Illo, ularning birortasida tashabbus hokimlikning o‘zidan chiqmaydi, desak, ishonavering!
Nima bo‘lgandi o‘zi?
«Advokatnews.uz» sayti yozishicha, Quva tumani hokimi «Ko‘hinur» xususiy korxonasiga tegishli dorixona binosini («ko‘p tarmoqli markaziy poliklinikasi binosi qurilayotgani» vaji bilan) buzish haqida qaror (2019 yil 27 iyundagi 3222-son) chiqargandi deng. Tadbirkor bunga ortiqcha e’tiroz bildirgani yo‘q. Xayrli maqsad uchun joy kerak ekan, bosh ustiga.
Biroq amalda ish boshqacha ketdi. Tadbirkordan olvolgan shu joyni hokim... boshqasiga tortiq qilvordi!
«Ibi, hokim buva, bu nimasi?»
Hokimning bunday yo‘l tutishining quvvati nimalarga borib taqaladi – keling, fol ochmaylik. Faqat bir gapni aytish shart: bitta tadbirkorning burnini qonatish evaziga boshqasini qo‘llab-quvvatlash «...tumanda ishbilarmonlarga ke-yeng sharoit yaratib berilayotganini» anglatmaydi.
Hokimning gapiga laqqa tushib, joyidan ayrilgan tadbirkor («Ko‘hinur» rahbari) nima qildi? Nimayam qilardi: o‘sha, go‘yoki «ko‘p tarmoqli poliklinika binosini qurish» vaji bilan chiqarilgan 2019 yil 27 iyun kungi 3222-sonli qarorning «Ko‘hinur» xususiy korxonasiga tegishli dorixona binosini buzish qismini haqiqiy emas deb topish»ni so‘rab sudga murojaat etdi. To‘g‘ri qildi. Axir, dorixona qurish uchun yer maydoni unga qonuniy ajratilgan (2001 yil 24 yanvardagi 62-sonli qarorga asosan). Qurilishga ozmuncha mehnat va mablag‘i ketmadimi?
Masala Quva tuman ma’muriy sudida ko‘rilishi kerak edi. Hokimning baquvvat qo‘llari sudgacha yetib borishi ehtimolimi yoki boshqa sababmi, xullas, viloyat sudi orqali «ish» Rishtonga yuborildi.
Rishton tuman ma’muriy sudida hokimlikning «ikki yuzi» ochila boshlagach, nima qilindi deng? Hokimlik huquqshunosi «Ko‘hinur» xususiy korxonasiga bundan o‘n yetti yil avval yer maydoni ajratish to‘g‘risidagi qarorni bekor qilishni so‘rab murojaat etsami?! Mana endi tushungandirsiz hokimlik sudda o‘z qarori nima uchun bekor qilishni so‘raganini?! Yo‘qsa, qaysi tashkilot, birinchi navbatda hokimlik o‘z hujjati bekor qilinishini xushlaydi, deysiz?! Aksincha, bunga tish-tirnog‘i bilan qarshilik qilishi ayon. Ikkinchidan, xo‘p, qarorni bekor qilish kerak ekan, sudga murojaat etib nima qiladi? Hokim janoblari yangi qaror chiqarib, o‘sha eskisini bekor qilib qo‘ysa bo‘ladi-ku?!
Shunaqa, do‘ppi tor kelganda amaliyotda uchramaydigan voqeliklar sodir bo‘larkan-da.
Sud qanday qaror chiqardi?
Bu endi keyingi maqolaga mavzu. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
Kolumbiya Isroil bilan diplomatik aloqalarni uzdi
Yevropa Ligasi. “Bayer” safarda “Roma”ni taslim etdi, “Marsel” esa “Atalanta” bilan durang o‘ynadi
Ronaldu "Al Nassr"ni Qirol kubogi finaliga olib chiqdi
Jarimalardan 100 mln so‘m qarzi bor avtomobil Qamchiq dovonida ushlandi
Sergey Shoygu: “Ukraina Rossiya bilan urushda 111 mingdan ortiq askarini yo‘qotdi”
2024 yilga subsidiya miqdori belgilandi