Normativ-huquqiy hujjatlar muhokamasi portalida Ichki ishlar vazirligi tomonidan tayyorlangan «O‘zbekiston Respublikasi Ma’muriy javobgarlik to‘g‘risidagi kodeksining 126-moddasiga o‘zgartirish kiritish haqida»gi qonun loyihasi joylashtirildi.
IIV MKning 26-moddasini quyidagi tahrirda bayon etishni taklif qilmoqda.
«Texnik reglamentga muvofiq bo‘lmagan ko‘zgusimon oynali, tevarak-atrofni ko‘rishni cheklaydigan qo‘shimcha narsalar o‘rnatilgan yoki qoplamalar surtilgan transport vositalaridan foydalanish, xuddi shuningdek, transport vositalarining orqa yoki old yon oynalarini tegishli ruxsatnomasiz tusini o‘zgartirish (qoraytirish) — bazaviy hisoblash miqdorining o‘n baravari miqdorida jarima solishga sabab bo‘ladi.
Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa — bazaviy hisoblash miqdorining o‘n besh baravari miqdorida jarima solishga sabab bo‘ladi.
Transport vositalarining orqa va old yon oynalarini tegishli ruxsatnomasiz tusini o‘zgartirish (qoraytirish) — bazaviy hisoblash miqdorining ellik baravari miqdorida jarima solishga sabab bo‘ladi.
Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa — bazaviy hisoblash miqdorining yetmish baravari miqdorida jarima solishga sabab bo‘ladi».
Ushbu qaror loyihasi portalda qizg‘in muhokamalarga sabab bo‘lgan. Bildirilgan o‘nlab takliflarda bunday o‘zgartirish kiritilishiga qat’iy qarshilik bildirilgan. Foydalanuvchilardan biri esa «May oyidan sentyabrgacha mashinani orqa oynalariga parda tutmaganlarga jarima qo‘llash kerak» deya izoh qoldirgan.
Eslatib o‘tamiz, oldinroq Buxoroda sud avtomobillarning orqa yon oynasiga parda taqishni qonuniy deb topgan, YHHB viloyat ma’muriy sudida ham bu masalada yutqazib qo‘ygan edi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
OAV: Markaziy Osiyo davlatlari dronlar bilan qurollanmoqda
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Britaniyalik milliarder uylandi. 25 mln dollar sarflangan to‘y 4 kun davom etdi
Si Szinpin Falastindagi mojaroni hal qilish shartlarini aytdi
Xarkivga yana bomba zarbalari uyushtirildi
Tadqiqot: dunyoda antisemitizm to‘lqini kuzatilmoqda