18:03 / 12.11.2019
2 773

Qabrdan olingan nasihat

Qabrdan olingan nasihat
Masjid imomlaridan bo‘lgan bir shayx hikoya qiladi: Bir yigit gunohlaridan shikoyat qilib, masjidga mening huzurimga keldi.
U: “Men hamma gunohni qilganman”, dedi.

Shunda men uning qo‘lidan tutib, ba’zi birodarlarni ziyorat qilish uchun birga yo‘lga chiqdik. Lekin ularni topa olmadik. Keyin men unga: “Qabristonni ziyorat qilsak, nima deysan?”, dedim.
U: “Mayli”, dedi.

Biz birga qabristonga borib, qabrlar orasida o‘tirdik. Men o‘ngga-chapga qarab: “Ey qabr ahli, bizga xabar bering, qabr ostida nimalar bo‘lyapti?, lahadda hozir nimalar bo‘lyapti?, podshohlar hali ham podshoh bo‘lib turishibdimi?”, dedim.

So‘ngra mazkur yigitga: “Qabrga biroz muddat tushib o‘tirishga nima deysan?”, degan edim, u qabrga tushdi. Biroz vaqt o‘tib men uning oldiga kelib: “Ey falonchi, ma’shuqang falonchi qabringga kelib, senga foyda bera oladimi?”, dedim.

U: “Yo‘q”, dedi.
Men: “Seni yo‘ldan ozdirib, gunohga boshlaganlar qabringga kelib, senga foyda bera oladimi? ”, dedim.
U: “Yo‘q”, dedi.
Men: “Shunday ekan, o‘rningdan tur, yangi hayot boshlaymiz”, dedim.
Manba: muslim.uz
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)