2 691
Mirzo Ulug‘bek tumanida sodir bo‘lgan YTH oqibatida Nexia yo‘lda qazilgan chuqurga tushib ketdi
Toshkent shahar Mirzo Ulug‘bek tumanidagi Oltintepa ko‘chasida 14 dekabr, shanba kuni taxminan soat 19:10 da yo‘l-transport hodisasi ro‘y berdi. Hodisaga uchragan avtomobil yo‘lda qazilgan chuqurga tushib ketdi. Bu haqda Toshkent shahar IIBB xabar berdi.
Ma’lum qilinishicha, Nexia avtomobili haydovchisi 39 yoshli Bobur E. boshqaruvni eplay olmagan hamda avtomobil ogohlantiruvchi belgilarni va to‘siqlarni chetlab, ta’mirlash xizmatlari tomonidan qazilgan chuqurlikka tushib ketgan. Hodisa oqibatida hech kim jabrlanmagan.
Nexia haydovchisining so‘zlariga ko‘ra, YTHga yo‘lda xavfli vaziyatni yuzaga keltirgan boshqa avtomobil sabab bo‘lgan, ammo u o‘sha transport vositasi rusumini yoki davlat raqamini eslab qola olmagan. Ushbu ma’lumotni tekshirish bo‘yicha choralar ko‘rilmoqda, deyiladi IIBB xabarida.
Toshkent shahar IIBBning qayd etishicha, chuqur qazilishiga sabab bo‘lgan gaz o‘tkazgichning ta’mirlash ishlari ancha vaqtdan beri olib borilmoqda. Joriy yilning 22 noyabr kuni ta’mirlash brigadasi rahbariga nisbatan YHXB xodimlari tomonidan O‘zbekiston Respublikasi Ma’muriy javobgarlik to‘g‘risidagi kodeksining 147-moddasi bo‘yicha, ya’ni ishlar olib borilgan joyda qoidalarga muvofiq ogohlantiruvchi belgilar o‘rnatilmaganligi sababli bayonnoma rasmiylashtirilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Husiylar O‘rtayer dengizida Isroilga ketayotgan kemalar o‘qqa tutilishini e’lon qildi
U-23 Osiyo kubogi. Abduvohid Ne’matov turnirning eng yaxshi darvozaboni deb topildi!
Gulistonda Nexia avtomashinasining gaz balloni portlab ketdi (video)
Ukraina milliy banki noxush ma’lumotni oshkor etdi
Organizmda gormonlar bilan bog‘liq muammo borligini bildiradigan simptomlar
Saudiya Arabistonida 100 ming nafargacha o‘zbekistonliklar doimiy ishga joylashtirilishi mumkin
Yetti nafar o‘zbekistonlik mehnat muhojiri Qozog‘istondan chiqarib yuborildi
Tbilisida noma’lum shaxslar namoyishchilarga hujum qildi