Foto: Xabar.uz
O‘zbekiston Respublikasi Bosh prokuraturasi Toshkent shahar prokuraturasining rasmiy kanaliga joylashtirilgan va tez orada olib tashlangan videorolik yuzasidan munosabat bildirdi. Bosh prokuratura Kun.uz’ga bergan izohida shahar prokuraturasi xatolikka yo‘l qo‘yganini ma’lum qildi.
«Toshkent shahar prokuraturasi tomonidan joriy yilning 15 yanvar kuni ijtimoiy tarmoqlarda xususan, Instagram va Facebook dagi sahifalar hamda Telegram dagi kanaliga joylashtirilgan ish o‘rganuvchilarni jinoyat sodir bo‘lgan voqea joyiga olib chiqib o‘qitish jarayonida olingan suratlar asosida tayyorlangan videorolik ichki xizmatda foydalanish uchun tayyorlangan bo‘lib, rasmiy kanalga joylashtirish uchun tayyorlangan boshqa 4ta material bilan birgalikda operator xatosi bilan yuklangan.
Shu sababli, Toshkent shahar prokuraturasi zudlik bilan ushbu videorolikni rasmiy kanaldan olib tashlash choralarini ko‘rdi va fuqarolardan mazkur holat uchun uzr so‘raydi», deyiladi Toshkent shahar prokuraturasi xabarida.
Avvalroq shahar prokuraturasi sahifasida bir necha kun oldin Toshkentdagi uyida o‘ldirib ketilgan dizayner Narimon Grigoryanning qonga belanib yotgan murdasi tasvirlarini e’lon qilib yuborgandi.
Ijtimoiy tarmoqlarda ushbu holat yuzasidan munosabat bildirilib, shahar prokuraturasi matbuot xizmati keskin qoralandi.
«Kun.uz» jurnalistiga tashlangan zamhokim voqeasidagi gap-so‘zlaridan keyin Toshkent shahar prokuraturasida sal g‘alatiroq odamlar ishlasa kerak, deb xato o‘ylagan ekanman. «Sal g‘alatiroq odamlar» degan gap — ularga berilgan juda yumshoq, hatto maqtovli ta’rif. Balki «odamlar» so‘zini ham ishlatmaslik kerakdir, bilmadim», degan Muhrim A’zamxo‘jayev telegram kanalida.
«Matbuot xizmatida piarchilar emas, prokurorlar ishlasa, shunaqa holat yuzaga kelishi tabiiy», deya holatga baho bergan «Mehribon piarchi» kanali muallifi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Vladimir Putin «Krokus»da sodir etilgan terakt uchun o‘ch olishga chaqirdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi
