3 378
2020 yil 1 maydan boshlab AI-80 markali avtomobil benzini va dizel yoqilg‘isi (shu jumladan EKO markali dizel yoqilg‘isi) neftni qayta ishlash zavodlari tomonidan faqat birja savdolari orqali sotila boshladi.
“O‘zbekiston respublika tovar-xom ashyo birjasi” AJda benzin bo‘yicha o‘tkazilgan birja savdolarining dastlabki kunida savdolarga 14 054,0 tonna AI-80 markali avtomobil benzin qo‘yildi va ulardan 9 123,5 tonnasi, ya’ni 65 foizi sotildi.
Birja savdolarida “O‘zbekneftgaz” AJ neft bazalari, avtomobil yoqilg‘i quyish shoxobchalari va benzinni o‘z ehtiyojlari uchun xarid qiladigan boshqa yuridik shaxslar ishtirok etishdi.
O‘tkazilgan birja savdolari natijasida AI-80 markali avtomobil benzinning o‘rtacha narxi uning boshlang‘ich bahosiga nisbatan 0,1 foizga o‘sdi va yoqilg‘ining bir tonnasi uchun 3 812,5 ming so‘mni tashkil qildi. Litrga o‘tkazilganda AI-80 benzinning birjada shakllangan narxi yoqilg‘ining bir litri uchun o‘rtacha 2 783-2 949 so‘mni tashkil etdi (benzinning bir tonnasi taxminan 1 293-1 370 litrga teng).
Birja savdolarida shakllangan narxlar aksiz solig‘i, yuklash, tashish va boshqa xarajatlarni o‘z ichiga qamrab olmaydi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing 
