Kadastr agentligi Google xarita xizmatiga muqobil milliy resurs yaratishini ma’lum qildi.
8 sentabr kuni tashkil etilgan matbuot anjumanida Kadastr agentligi rahbariyati yangi tuzilmaning faoliyati va rejalari haqida jamoatchilikka ma’lumot berdi.
Davlat kadastrlari, geodeziya va kartografiya milliy markazi direktori o‘rinbosari Rustam Payziyevning ta’kidlashicha, Google xarita xizmati keng jamoatchilik uchun ochiq manba hisoblanadi hamda O‘zbekistonda kosmik suratlar talab etilgan surishtiruvlarda yordamchi manba sifatida ishlatiladi.
«O‘zbekistonda 2000 yildan buyon ma’lum bir davrlar uchun xos bo‘lgan kosmik suratlar mavjud. 2019 yildan buyon, shu turdagi xaritalarni ham jamoatchilikka ochiqlash bo‘yicha qaror qabul qilingan. Kadastr agentligi ham shunday resurs sifatida ma’lumot beradi. Masalan, tergov idorasi kelib, 2008 yilda biror hudud tasvirini so‘rasa, ushbu ma’lumot bazamizda bo‘lsa, uni rasman taqdim eta olamiz», — deydi u.
Agentlik direktori o‘rinbosari Sherzodxo‘ja Habibullayevning qayd etishicha, sobiq Sovet hukmronligida ko‘plab xaritalar harbiy maqsadlarda yaratilgan. Shuning uchun, ular ko‘p yillar ommaga oshkor etilmagandi.
Direktor Halilulloh To‘raxo‘jayev Kadastr agentligi Google xarita resursiga muqobil milliy platformani tashkil etishning bosqichlari haqida ma’lumot berdi.
«Shu yilning oxiri, keyingi yilning birinchi choragida xorijiy davlatlarning biridan koinotdagi sun’iy yo‘ldoshini ijaraga olish rejalashtirilgan. Shundan so‘ng, Google singari resursda o‘zimizning aniq ma’lumotlarimiz bo‘ladi», — deya qayd etdi u.
To‘raxo‘jayev sun’iy yo‘ldoshni ijaraga olish masalasida Fransiya, Qozog‘iston, Ozarboyjon davlatlari bilan muzokara o‘tkazilishini taxmin etdi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Migrantlarni Rossiyadan chiqarib yuborishning yangi tartibi taklif etildi
Moskva aeroportlarida 1000 ga yaqin tojikistonlik qolib ketdi
Qashqadaryoda sifatsiz alkogol mahsulotlari muomalaga kiritilishining oldi olindi
Futzal, Osiyo kubogi. O‘zbekiston terma jamoasining Tojikistonga qarshi asosiy tarkibi
Markaziy bank raisi: “Uy-joy uchun ajratilayotgan kreditlar foizi pasayishi kutilmoqda”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Yevroittifoq O‘zbekiston qishloq xo‘jaligini rivojlantirish uchun 6 million yevro ajratdi
AQSH 13 milliard dollarga yangi «Qiyomat kuni samolyoti»ni quradi
