Foto: Senat matbuot xizmati
Mazkur qonun O‘zbekistonda xalqaro tijorat arbitraj sudlarining faoliyatini tashkil etish va tugatish tartibini huquqiy tartibga solish, xalqaro tijorat arbitraj sudi faoliyatining asosiy prinsiplarini belgilash, shuningdek, xorijiy investorlar, milliy kompaniyalarning chet ellik hamkorlar bilan o‘zaro munosabatlarida ularning huquq va qonuniy manfaatlarini ishonchli himoya qilish kabilarni nazarda tutadi.
Senator Abdulla Xursanov qonunning zarurati bo‘yicha tushuntirish berdi.
«Xalqaro tijorat arbitraji to‘g‘risida»gi qonun nizolarni ko‘rishda xo‘jalik yurituvchi sub’ektlarning sarf-xarajatlarini qisqartirish, arbitraj hal qiluv qarorlarini tan olish va ijro etish mexanizmlarini belgilash, shu asosda xalqaro shartnomalarning nizoli masalalarini hal qilishda mamlakatning mintaqadagi obro‘sini oshirish uchun ham zarur hisoblanadi», deydi senator.
Qayd etilishicha, O‘zbekistonda 11 mingdan ortiqroq xorijiy kapital kiritilgan korxonalar mavjud bo‘lib, «Xalqaro tijorat arbitraji to‘g‘risida»gi qonun ularning manfaatlariga xizmat qiladi.
«Bu qonunning amaliyotga tatbiq etilishi ham xorijiy, ham mahalliy investorlar uchun juda foydali bo‘ladi. Tadbirkorlarning vaqti, mablag‘i tejaladi. Ishonchi mustahkamlanadi. Sud tizimiga yuklama kamayadi. Mamlakatda biznes muhiti sog‘lomlashadi», dedi Senat raisi Tanzila Norboyeva.
Mazkur qonun senatorlar tomondina ma’qullandi.
Eslatib o‘tamiz, «Xalqaro tijorat arbitraji to‘g‘risida»gi qonun Senatning 3-yalpi majlisida muhokama qilingan, qator konseptual kamchiliklar tufayli rad etilgan edi. Keyinchalik Parlamentning ikki palatasi o‘rtasida kelishuv komissiyasi tuzilib, qonun loyihasi qayta tahrirdan o‘tkazilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Vladimir Putin «Krokus»da sodir etilgan terakt uchun o‘ch olishga chaqirdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi