Saida Mirziyoyeva o‘g‘illi bo‘ldi. Unga bobosining sharafiga Shavkat ismi qo‘yildi

^{Foto: Telegram / Saida Mirziyoyeva}
O‘zbekiston Prezidenti Shavkat Mirziyoyevning katta qizi, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva o‘g‘illi bo‘ldi. Bolakayga bobosining sharafiga Shavkat ismi qo‘yildi. Bu haqda Saida Mirziyoyeva Telegram’dagi kanalida ma’lum qildi.

«Barchamiz uchun hali-hamon qiyin bo‘lsa-da, hayot davom etmoqda. Odamlar to‘ylarda xursandchilik qilmoqda, bolalar dunyoga kelmoqda. Biz ham ko‘payishdik — jajji Shavkatjon, bizning quyoshimiz. Biz u bilan yaqinda tanishdik, lekin birinchi uchrashuvimizdayoq o‘rtada shunchalar kuchli muhabbat paydo bo‘ldiki, biz kuniga 24 soat birga bo‘lamiz. Onalar buning nima ekanini bilishadi», — deb yozdi Saida Mirziyoyeva.

Eslatib o‘tamiz, Saida Mirziyoyevaning katta o‘g‘li Miromon 28 mart kuni 15 yoshga to‘lgandi. Shuningdek, Saida Mirziyoyevaning Saodat ismli qizi ham bor. “Zamin”ni Telegramʻda oʻqing!