13:31 / 24.11.2020
1 184

Toshkent hayvonot bog‘iga pushti pelikan olib kelindi

Toshkent hayvonot bog‘iga pushti pelikan olib kelindi
Foto: Aleksandr Judro / Toshkent hayvonot bog‘i
Toshkent viloyatidan Toshkent hayvonot bog‘iga pushti pelikan olib kelindi, deya xabar bermoqda bog‘ matbuot xizmati.
Ma’lum qilinishicha, qush elektr simlariga urilib, yerga qulab tushgan. Kuzgi ko‘chish paytida qush zaiflashgan va turdoshlaridan ortda qolib ketgani taxmin qilinmoqda.

Pushti pelikan O‘zbekistonning Qizil kitobiga kiritilgan va mamlakat hududida – Janubiy Orol dengizi mintaqasida, Amudaryo, Zarafshon va Sirdaryo havzalarida yashaydi.

Foto: Aleksandr Judro / Toshkent hayvonot bog‘i
«Pelikanlar oq pushti ranglari bilan mashhurdirlar, ammo bizning pelikanimiz hali ham o‘spirin ekan, shuning uning rangi kul rang-jigar rangga yaqin. Ammo tez orada, u organizmi uchun muhim davrni bosib o‘tgach, uning rangi o‘zgaradi.

Ayni paytda yangi mehmonimiz alohida yashayapti va mutaxassislarimizning nazorati ostida. Biroq tez orada u kuchga to‘ladi, yangi do‘stlar topadi va o‘zining butun chiroyini namoyish etadi
», – deyiladi bog‘ matbuot xizmati xabarida.

Foto: Aleksandr Judro / Toshkent hayvonot bog‘i
Ma’lum qilinishicha, pelikan o‘zini juda yaxshi his qilmoqda va «mehmonlar bilan uchrashishni orziqib ketmoqda».
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)