Korrupsion jinoyatlar oqibatida yetkazilgan moddiy zarar miqdori 25,3 milliard so‘mdan oshadi. Mazkur jinoyatlar sohalar bo‘yicha tahlil qilinganda, jinoyatlarning 19 tasi bank, 17 tasi oliy ta’lim, 15 tasi xalq ta’limi, 33 tasi sog‘liqni saqlash, 20 tasi maktabgacha ta’lim, 4 tasi soliq, 21 tasi ichki ishlar, 8 tasi byuro, 3 tasi sud sohasi hamda 58 tasi boshqa korxona, tashkilot xodimlari tomonidan sodir etilgan.
Bu haqda viloyat prokurori R.Masharipov xalq deputatlari viloyat Kengashining o‘n sakkizinchi sessiyasida bergan hisobotida aytib o‘tdi, deyiladi «Zarnews.uz» xabarida.
Qayd etilishicha, viloyat bo‘yicha 26 milliard so‘m budjet mablag‘larini talon-toroj qilish holatlari aniqlanib, bu qilmishlar uchun 246 nafar shaxs jinoiy javobgarlikka tortilgan hamda 2 ming 249 nafar shaxsga nisbatan ma’muriy ishlar qo‘zg‘atilgan.
Tashvishlisi, budjet va budjetdan tashqari maqsadli jamg‘armalar nazoratiga mas’ul bo‘lgan tizimning o‘zida ham budjet mablag‘lari talon-toroj qilinmoqda.
Misol uchun, Budjetdan tashqari pensiya jamg‘armasi Toyloq tumani bo‘limi mansabdor shaxslari noqonuniy ravishda 10 ta holatda 111 million so‘mlik pensiya mablag‘larini o‘zida bo‘lgan plastik kartasiga o‘tkazib, o‘zlashtirish yo‘li bilan talon-toroj qilgan.
So‘nggi ikki yilda viloyatdagi banklarning 33 nafar mansabdor shaxslari korrupsiya va mansabdorlik jinoyatlari uchun javobgarlikka tortilgan.
Masalan, viloyat Milliy bankda ishlagan Boboqulova bank omonatchilarning hisob raqamidan 90 ta holatda 7,7 milliard so‘m, 607 ming AQSH dollari va 1 461 yevro, ya’ni juda ko‘p miqdordagi omonat pul mablag‘larini o‘zlashtirish yo‘li bilan talon-toroj qilgan.
«Agrobank» Chelak filiali xodimi Axrorov kredit ajratishni so‘rab bankka murojaat qilmagan fuqarolar nomiga 30 million so‘m miqdorda mikroqarz krediti ajratib, plastik kartochkasiga tushirib o‘zlashtirib yuborgan.
Aholining iqtisodiy faolligini qo‘llab-quvvatlash uchun turli ijtimoiy loyihalarga budjet mablag‘lari bank orqali ajratilmoqda. Lekin bunday mablag‘lar haqiqiy egalariga yetib bormasdan, ayrim bank mansabdor shaxslarining «o‘lja»siga aylanmoqda.
Masalan, «Ipoteka bank»ning Ko‘ksaroy filiali «Juma» mini-banki mudiri Choriyev bankning boshqa mansabdor shaxslari bilan jinoiy til biriktirib, Davlat dasturi asosida baliqchilik va aholi tadbirkorligi uchun ajratilgan 6 milliard 995 million so‘m kredit mablag‘larini talon-toroj qilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
