21:45 / 21.12.2020
2 360

O‘zbekistonliklar Yangi yil bayramida ketma-ket 3 kun dam oladi

O‘zbekistonliklar Yangi yil bayramida ketma-ket 3 kun dam oladi
O‘zbekistonda 2020 yilgi Yangi yil bayramida ish haftasining davomiyligidan qat’i nazar barcha xodimlar ketma-ket 3 kun dam oladi.

2017 yildan boshlab O‘zbekistonda fuqarolarning rasmiy sanalarni nishonlash davrida to‘liq dam olishi uchun shart-sharoitlar yaratish, dam olish va bayram kunlaridan oqilona foydalanishini ta’minlash maqsadida qo‘shimcha dam olish kunlarini belgilash an’anasi boshlangan edi.

Shunga ko‘ra, O‘zA yaqinlashib kelayotgan Yangi yil bayrami arafasida o‘zbekistonliklar necha kun dam olishi to‘g‘risidagi ma’lumotlarni yana bir bor eslatib o‘tdi.

Yangi yil bayrami arafasidagi dam olish kunlari 2020 yil 3 dekabrdagi Prezident farmoni asosida belgilanadi. Unga ko‘ra, 2 yanvar, shanba kuni 6 kunlik ish haftasida mehnat qilayotganlar uchun ham dam olish kuni sifatida belgilandi.

Shunday qilib, ish haftasining davomiyligidan qat’i nazar Yangi yil bayrami arafasida barcha xodimlarga quyidagi sanalar dam olish kuni hisoblanadi:

1 yanvar — juma;
2 yanvar — shanba;
3 yanvar — yakshanba.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)