Ijtimoiy himoyaga muhtoj 400 ming fuqaroga yordam berish yo‘li ma’lum qilindi

Har bir tadbirkor o‘z hududidagi «temir daftar», «yoshlar daftari» va «ayollar daftari»ga kiritilgan va kasb-hunarga o‘qitilgan fuqarolardan hech bo‘lmasa 1 nafarini ish bilan ta’minlasa, o‘rtacha hisobda 400 ming kishi daromad manbaiga ega bo‘ladi. Bu haqda O‘zbekiston Savdo-sanoat palatasini navbatdan tashqari Prezidiumining yig‘ilishida ma’lum qilindi.

«Birgina yordamga muhtoj fuqaro ish bilan ta’minlansa, u orqali o‘rtacha 3 nafar oila a’zosi (jami 1,2 mln. kishi) manfaatdor bo‘ladi. Ushbu g‘oyaga tayanib, tadbirkorlar bilan birgalikda «Xar bir tadbirkor – yoshlarga madadkor» tashabbusini ilgari sursak, Siz bu taklifga nima deysiz?! O‘ylaymanki, tadbirorlarimizning shundoq ham kasb-hunarga ega bo‘lgan , yosh va shijoatli xodimlarga har doim ehtiyoji bo‘lgan», — deya tadbirkorlarga murojaat qildi Savdo-sanoat palatasi raisi Adham Ikromov. “Zamin”ni Telegramʻda oʻqing!