Navoiyda “Ayollar daftari” xotin-qizlar bilan sayyor qabul o‘tkazilib, muammolari tinglandi

Joriy yilning 23 yanvar kuni Fuqarolik va jinoyat ishlari bo‘yicha Xatirchi tuman sudi raislari va sudyalari xamda davlat xizmatlari agetnligi xodimlari, va mahalla va oilani qo‘llab quvvatlash bo‘limi xodimlari bilan birgalikda “Ayollar daftari”ga ro‘yxatiga kiritilgan xotin-qizlar bilan sayyor qabul o‘tkazilib, muammolari tinglandi.

Tadbir ishtirokchilariga O‘zbekiston Respublikasi Vazirlar Mahkaamasining 2021 yil 8 yanvardagi “Xotin-qizlarni ijtimoiy qo‘llab-quvvatlash bo‘yicha qo‘shimcha chora-tadbirlar to‘g‘risida”gi qarori va ushbu qaror bilan tasdiqlangan “Ayollar daftari”ni yuritish bo‘yicha vaqtinchalik tartibning mazmun va mohiyati tushuntirib o‘tildi.

Uchrashuvda tuman hududida sodir etilgan jinoyatchilik va huquqbuzarliklar, Xatirchi tumanida jinoyatlarni jilovlash, jinoyatchilik profilaktikasini yanada takomillashtirish, odil sudlovni ta’minlash va korrupsiyadan holi hududga aylantirish bo‘yicha “Yo‘l xarita”sining ijrosi, “Mening mahallam-mening sudyam” g‘oyasi, yoshlar va tadbirkorlik sub’ektlarining huquqlari va qonuniy manfaatlarini buzilishi holatlarini oldini olish yuzasidan ham ma’ruza qilindi.

Uchrashuv davomida ayollarga o‘zlarini qiziqtirgan masalalar yuzasidan tegishli huquqiy tushuntirishlar berildi.

“Zamin”ni Telegramʻda oʻqing!