Xorazmda deputatlar sud raisidan tizimda ochiqlikni kuchaytirishni so‘rashdi

Yaqinda bo‘lib o‘tgan Xalq deputatlari Xorazm viloyati Kengashining yigirma to‘rtinchi sessiyasida viloyat sudi raisi Bahodir Polvonovning axboroti eshitildi. Axborot o‘tgan yili viloyat sudlari tomonidan odil sudlovni amalga oshirish borasida qilingan ishlar xususida bo‘lib, deputatlar diqqat bilan tingladi.

Aytildiki, Xorazm viloyatining jinoyat ishlari bo‘yicha sudlari tomonidan 2020 yil davomida jami 1323 nafar shaxsga nisbatan 1091 ta jinoyat ishi va 2255 ta sanksiya hamda materiallar ko‘rib tamomlangan. Instansiyalarda 29 nafar shaxsga nisbatan 15 ta jinoyat ishi bo‘yicha oqlov hukmlari chiqarilgan.

Shuningdek, 2020 yilda fuqarolik ishlari bo‘yicha birinchi instansiya sudlarida jami 10139 ta fuqarolik ishi ko‘rib tamomlangan. Shundan, 6838 ta yoki 67,4 foizi bo‘yicha da’vo qanoatlantirilgan. Tumanlararo sudlarda 5674 ta sud buyrug‘i chiqarilgan bo‘lib, unda asosan undiruvchilar foydasiga 14,2 mlrd so‘m, davlat foydasiga 2 mlrd. so‘m davlat boji undirilishi belgilangan.

2020 yilda iqtisodiy ishlar bo‘yicha sudlar tomonidan esa, jami 6 175 ta iqtisodiy nizolar ko‘rib chiqilgan. Shundan 5110 tasi qanoatlantirilgan, 824 tasi bo‘yicha da’vo rad qilingan va 57 tasi bo‘yicha ish yuritish tugatilgan. Jami sud ishlarining 1913 tasi, ya’ni 30,foizi sayyor sud majlislarida ko‘rilishi ta’minlangan.

Hisobotdan so‘ng xalq vakillari viloyat sudi raisini savollarga tutishdi. Rais hammasiga batafasid javob berishga harakat qildi. Berilgan savollarda sudlarning jamoatchilik bilan aloqalarini kuchaytirish va sud faoliyatining ochiqligini ta’minlash masalalari ustuvor bo‘ldiki, B. Polvonov bu borada muammo bo‘lmasligini aytdi. Zero, bugunning asosiy tabi shu-da. “Zamin” yangiliklarini “Telegram”da kuzatib boring