3 836
«Men Mamarizo Nurmurodovga ishonaman, lekin uning tizimiga ishonmayman» — Shavkat Mirziyoyev
Prezident Shavkat Mirziyoyev 30 aprel kuni bo‘lib o‘tgan videoselektorda bank sohasidagi korrupsiya masalalariga to‘xtalib o‘tdi, deb xabar bermoqda «Gazeta.uz».
«O‘zsanoatqurilishbank» xodimlaridan biri katta miqdordagi talon-torojda ayblanib, hibsga olingani aytildi. Prezident har bir bank rahbariga «nimada ayblanayotganini ko‘rish, farzandlarini ko‘z oldiga keltirishi uchun» sud jarayonida ishtirok etishni taklif qildi.
«Men Mamarizo Nurmurodovga (Markaziy bank raisi) ishonaman, lekin uning tizimiga ishonmayman», — dedi Prezident.
Bosh vazir o‘rinbosari, iqtisodiy taraqqiyot va kambag‘allikni qisqartirish vaziri Jamshid Qo‘chqorov MB rahbari bilan birgalikda bir oy ichida «O‘zsanoatqurilishbank» va «Ipotekabank»ni «korrupsiyadan holi bankka» aylantirishi kerakligi ta’kidlandi.
Shavkat Mirziyoyev birinchi pog‘ona rahbarlari o‘z sohalaridagi korrupsiya uchun javob berishlari haqida ogohlantirdi.
«Biz baribir talon-toroj qilayotganlarning tagiga yetamiz. Orqaga yo‘l yo‘q. Budjet mablag‘larini talon-toroj qilayotganlar — siyosatga xiyonat qiladi. Korrupsiyani ildizi bilan quritmas ekanmiz, natijalarga erisha olmaymiz», — deya ta’kidladi davlat rahbari.
Ma’lumot uchun, 22 aprel kungi videoselektor yig‘ilishida Shavkat Mirziyoyev «juda katta korrupsiyaga berilib ketgan» rahbarlarni oxirgi marta ogohlantirgan edi. O‘sha yig‘ilishda Prezident Samarqand va Andijon misolida mutasaddilarni korrupsiyaga qarshi yetarlicha kurash olib borilmayotgani uchun tanqid qilgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
O‘zbekistonliklar Saudiyaga tibbiyot va mehmonxona sohalari bo‘yicha ishga yuborilishi mumkin
Shi Te Yong: "Bizda hali olimpiadaga chiqish imkoniyati bor"
AQSHda MXA sobiq xodimi Rossiya foydasiga josuslik qilgani uchun 21 yilga qamaldi
Ilon Mask Ukraina va AQSH o‘rtasidagi uzoq muddatli yordam bo‘yicha muzokaralarni “aqldan ozish” deb atadi
Timur Kapadze Yaponiyaga qarshi kechadigan final uchrashuvi oldidan nimalar dedi?
Xodimlarning mehnat qonunchiligiga rioya etilishi nazoratga olingan
Abduqodir Husanov va Hojimat Erkinov klubi ixtiyoriga qaytdi