1 724
Shavkat Mirziyoyev: «Eng katta muammo — Afg‘oniston shu qishni eson-omon, ocharchilikka duch kelmay, urushlarsiz o‘tkazib olishi»
O‘zbekistonning amaldagi prezidenti, O‘zLiDePdan prezidentlikka nomzod Shavkat Mirziyoyev 19 oktabr kuni toshkentlik saylovchilar bilan bo‘lib o‘tgan uchrashuvda Afg‘oniston haqida to‘xtalib o‘tdi.
«Qo‘shnilarimiz bilan munosabatlarni kuzatib turibsiz. 5 yillik qisqa muddatda katta yutuqlarga erishganimiz bor gap. Afg‘on muammosi bizni jiddiy o‘ylantiradi. Eng katta muammo — Afg‘oniston shu qishni eson-omon, ocharchilikka duch kelmay, urushlarsiz o‘tkazib olishi. O‘ylaymanki, hukumat tepasiga kelgan yangi kuchlar ham o‘z xalqini o‘ylaydi», — dedi u.
Shuningdek, O‘zbekistonda pandemiya sharoitida ham iqtisodiyotni saqlab turishga erishilganini ta’kidlab o‘tdi.
«Hech qachon dunyo iqtisodiyoti bunday jiddiy sinovga duch kelmagan. Kasallik tufayli eng kuchli davlatlar ham qiyin vaziyatga tushib qoldi. Biz shunday vaziyatda ham iqtisodiyotimizni saqlab turishga va hatto o‘sishga erishdik.
Albatta, pandemiya talablaridan hammamiz charchadik. Pandemiya davrida ko‘p davlatlar ‘egoist’ bo‘lib ketdi. Buni ham tushunish mumkin, vaziyat og‘ir. Men ham birinchi navbatda o‘zimizning mamlakat tinchligi, xalqim farovonligini o‘ylashim kerak», — deydi Shavkat Mirziyoyev.
Eslatib o‘tamiz, O‘zbekiston 14 sentabr kuni Afg‘oniston xalqiga un, turli oziq-ovqat mahsulotlari, birlamchi zarur tovarlar, dori-darmonlar, kiyim-kechak va poyabzallardan iborat insonparvarlik yordamini yuborgandi. Afg‘oniston muvaqqat hukumati a’zolari O‘zbekiston Prezidentiga afg‘on xalqining orzu-intilishlariga qaratayotgan ulkan e’tibori, oziq-ovqat inqirozining oldini olishda ko‘rsatgan bunday yordam uchun samimiy minnatdorlik bildirgandi.
Shavkat Mirziyoyev 9 sentabr kuni bo‘lib o‘tgan O‘zLiDePning X qurultoyida «Qo‘shni Afg‘oniston zaminida tinchlik va osoyishtalikni ta’minlashga, jafokash afg‘on xalqiga qo‘limizdan kelgan barcha yordamni ayamaymiz», deb aytgandi. Prezident 5 oktabr kuni Turkmaniston prezidenti Gurbanguli Berdimuhamedov bilan muzokaralarda Afg‘oniston xalqiga zarur insonparvarlik yordamini ko‘rsatishni davom ettirishga tayyorligini yana bir bor aytib o‘tgan. Muzokaralarda Afg‘onistonda tinchlik va barqarorlik butun Markaziy Osiyo mintaqasida barqaror taraqqiyot garovi ekani ta’kidlangan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Zoir Mirzayev “Telefonsiz maktab”ga 300 mln so‘m mukofot berdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
