Foto: Harper’s Bazaar
Sharq oshxonasida o‘ziga xos ahamiyatga ega bo‘lgan no‘xatning qanday foydali xususiyatlari bor ekanligi haqida Harper’s Bazaar nashri ma’lumot berib o‘tadi.
Yuqori sifatli o‘simlik oqsili va kletchatkaning koni sanalgan no‘xat hazm jarayonini yaxshilab, uzoq vaqt davomida qorinning to‘q bo‘lishini ta’minlaydi. Ortiqcha ovqatlanishning oldini olgani hisobiga vazn ortishi kuzatilmaydi. A, C va E vitaminlarining koni sanalgan ushbu mahsulot teri ahvolidan tortib immun tizimigacha ijobiy ta’sir qiladi.
Tabiiy antioksidant sifatida ma’lum bo‘lgan ushbu vitaminlar organizm hujayralarini zararli radikallardan himoya qiladi. Yallig‘lanishning oldini olib, qarish jarayonini sekinlashtiradi. A va E vitaminlari yog‘da eruvchan hisoblanadi, bu esa ularning singishi uchun yog‘lar kerakligini bildiradi. No‘xatda foydali yog‘lar kamligi sabab vitaminlarning singishi oson bo‘ladi.
Atigi bir finjon qaynatilgan no‘xatda energiya beradigan, hujayralarni himoya qiladigan, immunitetni mustahkamlaydigan marganes kunlik me’yorining 80 foizi mujassam. Ushbu porsiya qon aylanishi, qon bosimining me’yorda bo‘lishi, mushak va asab tizimining me’yorda bo‘lishi uchun muhim bo‘lgan temir va magniy bilan ta’minlaydi. Bundan tashqari, no‘xat immunitetni himoya qiladigan rux moddasini o‘z ichiga oladi.
Glyuten bo‘lmagani sabab allergiya keltirib chiqarmaydi. Garvardning sog‘liqni saqlash jamoatchilik maktabi mutaxassislari ma’lumotiga ko‘ra, no‘xat iste’mol qilish ikkinchi darajali qandli diabet va yurak-qon tomir kasalliklarining oldini oladi.
Qorinni dam qilmasligi uchun no‘xatni ivitib qo‘ygandan keyin bir necha marta yuvish kerak. Suv uning tarkibidagi ichaklardagi diskomfortga sabab bo‘ladigan moddalarni tortib oladi. Ushbu mahsulotni zaytun yog‘i va ziravorlar qo‘shib asosiy taom sifatida ham iste’mol qilish yoki sabzavotli ragu, go‘shtli ovqat va salatlarga qo‘shsa ham bo‘ladi. Shuningdek, no‘xat xumus uchun asosiy mahsulot hisoblanadi. Buning uchun uni zaytun yog‘i, kunjutli pasta va ziravorlar qo‘shib, maydalash kerak bo‘ladi. Bu organizmni zarur moddalar bilan ta’minlaydigan foydali taom hisoblanadi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
AQSH harbiylari orasida o‘z joniga qasd qilish ko‘paydi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Endi operatsiyadan so‘ng kesmalar o‘rni ikki barobar tezroq bitishi mumkin
